«Достық және мен»
Тақырыбы: «Дос», «достық» деген ұғымды терең жеткізуе отырып , достық сезімін қалыптастыру мақсатында бір – бірін сыйлауға, қадірлей білуге тәрбиелеу.
«Достық керек өмірде ,
Ашық сырлы көңілде.
Дос жолдасың болмаса ,
Өмір сүру жеңіл ме?»
Әдіскерлік тәсілдер: Әңгімелеу , тренинг , түсіндіру , сұрақтар – жауап, ойын , тақпақтар айту.
Сәлеметсіздер ме балалар! Бәріміз ортаға келіп бір –біріміздің қолымыздан ұстап тұрайық. Өз атымызды атап , достары туралы әңгімелеп өтеміз. Мыс: менің атым Іңжу , менің досым Мадина мен оны жақсы көремін , ол ойыншықтарымен бөліседі.
Ия , балалар сендер өмірдегі сырды , бөлісетін , әркез қасымызда бірге ойнайтын , көмектесетін , қиын кезде қастарыңнан табылатын кім?
Досымыз
Жарайсыңдар , ол «ДОС». Дос дегеніміз – арқа сүйер адамың , Балалар айтыңдаршы сендердің достарың бар ма ? Мадина айта қойшы қандай достарың бар ? Санжар сен де ше ?(Балалардың жауабы)
Демек досты ешқашан сатпау керек , бірге күліп, бірге ойнау керек , сыйлап қадірлей білу керек. Балалар сендерге ертегі ұнай ма ?
ИӘ
Ендеше сендерге «Дос іздеген бота» деген ертегісін айтып берейін. « Ерте , ерте , ертеде Түйе болыпты». (Ертегі айтылады).Слайдтан көрсетіледі. Балалар ертегі ұнады ма? Ия. Сонда достық адамның кейпінен емес , түсінен емес , жүрек қалауымен болады екен. Ертегіні түсіндіңіздер ме ? Ия. Ертегіден не түсіндіңіздер?Ертегіде қандай кейіпкерлер бар?
«Жүз ақшаң болғанша , жүз досың болсын».
«Доссыз адам , тұзсыз тағам»
Жарайсыздар балалар! Енді дос туралы тақпақ білеміз бе? Онда бәрімізге бірге қайталап айтайық.
Біз балдырған баламыз,
Досты көп табамыз.
Қашан да , қайда да ,
Бірімізге сенімді боламыз.
Келесі ойнайтын ойынымыз «Мейірімді дос». Бір – бірлеріңізді Мейірімді , еркелете айтады. Мыс : Ерасыл , Бекзат т.б сен менің жан досымсың. Ойын 2 – 3 рет ойнатылады. Бәріміз ортаға шығып сергіп алайық.
Досым , досым жан досым,
Неге сонша шаршадың .
Қане ұста қолымнан ,
Секір , секір , секірші .
Бір серігіп аларсың!
Жарайсыздар балалар енді досымызды ренжітпей , бір – бірімізге ойыншықтарымызды бөлісіп , ойнап дос болып жүре берейік. Сау болыңыздар!
Басқа материалдар
