Ozattar – білім саласы үздіктері энциклопедиясының 5-шығарылымына қабылдау басталды

4
1344

«Ozattar энциклопедиясы» мекемесі республикамыздағы білім саласының
дамуына зор үлес қосып жүрген педагогтар мен дарынды оқушылардың есімдерін жинап, баспа өнімі ретінде жинақтау мақсатында Ozattar – Қазақстан білім саласы үздіктерінің энциклопедиясын  жариялайды.

Энциклопедияның макеті

Энциклопедияның бірінші, екінші және үшінші басылымы 2018-2019, 2020-2021,
2021-2022 жылдары А4 форматта, түрлі түсті, алтын түстес өрнекпен өрнектелген
қалың мұқабада жарық көрді. Энциклопедияға республикамыздағы білім беру ұйымдарынан үздік деп танылған 5000-ға жуық білім саласының озаттары енгізілді.

Энциклопедияға өтініш беруші мамандардың педагогикалық еңбек өтілі 3 жылдан кем болмауы тиіс. Энциклопедияға халықаралық стандартты ISBN нөмері беріліп, ұлттық кітап палатасына тіркеледі. Өтінімдерді қабылдау жұмыстары үшін ақылдастар алқасы құрылады.

Қабылдау мерзімі: 2022 жылдың 03 қазан мен 30 қараша аралығы. Өтінімдер ozattar.kz@mail.ru почтасына қабылданады.

Ozattar.kz – Қазақстан білімділерінің энциклопедия сайты – 2017 жылы «Жылдың сапалы инновациялық жобасы» халықаралық байқауының жеңімпазы. 2019 жылы ҚР Тұңғыш Президенті қорының «Ең үздік білім сайты» аталымының жеңімпазы атанды. Толық ақпаратты +7 708 440 76 93; +7 700 600 63 04 телефондары арқылы білуіңізге болады.

Ozattar – Қазақстан білім саласы үздіктерінің энциклопедиясы жобасының
ЖАЛПЫ ЕРЕЖЕСІ

1. Жалпы ереже
1.1. Ozattar – Қазақстан білім саласы үздіктерінің энциклопедиясының осы ережесі (әрі қарай – Ереже) құжаттар қабылдау және ұйымдастыру тәртібін анықтайды (әрі қарай – энциклопедия);
1.2. Энциклопедияға ЖОО оқытушылары мен студенттері, жалпы білім беретін мектеп мұғалімдері мен оқушылары, мектепке дейінгі білім беру ұйымдарының қызметкерлері енгізіледі;
1.3. Энциклопедияға халықаралық стандартты ISBN нөмері беріліп, ұлттық кітап палатасына тіркеледі
1.4. Педагогтар мен оқушылар Ozattar.kz сайтына тіркеліп, тегін онлайн портфолио жинақтай алады;
1.5. Энциклопедия А4 форматта, түрлі түсті, алтын түстес өрнекпен өрнектелген қалың мұқабада жарық көреді;
1.6. Энциклопедия жайлы қосымша мәліметтер және толық ақпараттар ozattar.kz және martebe.kz республикалық білім сайттарында жарияланады;
1.7. Энциклопедияға қабылдау 2022 жылдың 03 қазан мен 30 қараша аралығында жүргізіледі;
1.8. Энциклопедия шығаруда арнайы ақылдастар алқасы құрылады. Ақылдастар алқасы құрамына білім саласына еңбегі сіңген педагогтар кіреді;
1.9. Баспа өнімін алу – ақылы, қатысу ерікті негізде жүзеге асырылады.

2. Баспа өнімін шығарудың мақсаты мен міндеттері:
2.1. Мемлекет басшысы қабылдаған «Педагог мәртебесі» туралы заң жобасының жүзеге асырылуына үлес қосу;
2.2. Білім саласы қызметкерлері мен дарынды оқушы жастардың есімін баспа және бұқаралық ақпарат құралдарында насихаттау;
2.3. Республикамыздағы білім беру саласы үздіктерінің есімі жинақталған сапалы баспа өнімін жинақтап шығару.

3. Энциклопедияға құжаттар қабылдау тәртібі мен өткізілуі:
3.1. Құжаттар электронды форматта ozattar.kz@mail.ru электронды почтасы арқылы қабылданады;
3.2. Өтініш пен құжаттар қазақ және орыс тілінде қабылданады және кітап мемлекеттік тілде жарық көреді;
3.3. Өтініштер толық қаралып, сараптаудан өткізіледі және кері қайтарылмайды;
3.4. Талапқа сай жіберілмеген және мерзімінен кеш жолданған материалдар қабылданбайды.

4. Энциклопедияға құжат тапсырушылар үшін қойылатын талаптар:
4.1. Өтініш берушілердің педагогикалық еңбек өтілі 3 жылдан кем болмауы тиіс;
4.2. Өтініш берушінің облыстық, республикалық, халықаралық деңгейдегі байқаулардан алған жетістіктерінің жалпы саны 5-тен кем болмауы керек;
4.3. Құжаттар мекеме басшысының ұсынуымен немесе жеке қатысушылардың өтініші арқылы қабылданады;
4.4. Өтініш құжаттары мен төлем жарнасы бір файлда жіберілуі тиіс;
4.5. Қатысушылардың суреті 3*4 форматта классикалық киім үлгісінде сапалы, анық болу керек. (селфи, анық емес, алыстан түсірілген суреттер қабылданбайды)
4.6. Энциклопедия жинақтау барысында талаптарға сай келмеген өтініштер жарамсыз деп танылып, төлем жарнасы кері қайтарылады;
4.7. Энциклопедияға байланысты туындаған сұрақтар ozattar.kz@mail.ru почтасына қабылданады.

ЭНЦИКЛОПЕДИЯ ЖАЙЛЫ ҚОСЫМША АҚПАРАТТАР
Өтініште келесі мәліметтер болуы тиіс:
1. Өтініш берушінің толық аты-жөні;
(Құжат бойынша толық аты-жөні қатесіз болу міндетті)
2. Қызмет атқаратын немесе білім алатын мекемесінің толық атауы
(Облыс, аудан, қала, ауыл, мекеме атауы толық жазылу міндетті);
3. Жазбаша түрде соңғы 5 жылдағы жетістіктері (облыстық, республикалық, халықаралық деңгейдегі рет-ретімен жазылуы міндетті);
4. Классикалық киім үлгісінде сапалы 3х4 суреттің электронды нұсқасы файлдың ішінде 3*4 JPEG форматта сапалы, анық болу керек (селфи, анық емес, алыстан түсірілген суреттер қабылданбайды);
5. Кітап жеткізілетін мекен-жайы, облыс, аудан, ауыл, көшесі, индекс, телефон нөмірі; (Міндетті)
6. Электронды почтасы мен байланыс нөмірі; (Міндетті)
7. Мәліметтер Word форматында Times New Roman 14 қаріп түрімен жіберілуі тиіс (Файлдағы символдар саны 1500, сөз саны 200-ден аспауы қажет) (Міндетті).
Маңызды! Құжаттарды бір папкаға жинақтап, папка атауын қатысушының толық аты-жөнімен (файл, сурет, төлем квитанция атауы) сақтап, жіберуіңіз шарт. Бұл жинақтау барысында сіздің өтінішіңіздің дұрыс қаралуына әсер етеді.

Энциклопедияны алу құны: педагог қызметкерлер мен оқушыларға – 10 000 KZT (он мың теңге). Егер бір ұжымнан 5 адамнан артық қатысса тегін жеткізіледі. 5 адамға дейін жеткізу қызметі үшін қосымша 2000 тг төлем жасайды (кітаптар казпочта қызметі арқылы жеткізіледі).

МАРАПАТТАУ РӘСІМІ
Энциклопедияға енген педагог мамандарға «Құрмет грамотасы», студент, оқушы жастарға «Мақтау қағазы» беріледі. Жинаққа бір мекемеден 10 адамнан көп өтінім берілсе, ұйымдастырушылар аталмыш мекемеге «Үздік ұжым» номинациясын (арнайы плакетка) тағайындайды. Егер 20 адам қатыстырса ұйымдастырушы педагогтың кітабы тегін шығарылып «Үздік ұжым» номинациясы бірге беріледі. Марапаттар кітаптармен бірге өтінімде көрсетілген мекен-жайға қабылдау аяқталғаннан кейін 30 жұмыс күнінен кешіктірілмей жеткізіледі.

«Ozattar» энциклопедиясына қатысты барлық сауалдарға жауапты келесі телефон нөмірі арқылы біле аласыз: +7 708 440 76 93; +7 700 600 63 04.


4 ПІКІРЛЕР

  1. Өткен жылы біздің ұжымнан 20 адам енді. Кітап өте сапалы шыққан. Рахмет сіздерге. Жобаны үздіксіз жалғастырсаңыздар

  2. Керемет жоба. Жыл сайын қатысып келеміз. Биылда қатысқымыз келеді

  3. Бұйырса қатысамыз. Өтінішімізді жинап жатырмыз

ПІКІР ҚАЛДЫРУ