Тақырыбы: «Қыс қызығы»
Білім беру саласы: Шығармашылық
Бөлімі: Сурет салу
Мақсаты: Қыс туралы түсініктерін кеңейту. Қыстың ғажап көріністерін
сезіне білуге үйрету. Сурет салудың дәстүрден тыс әдістерін
пайдалана отырып, балалардың сурет салуға деген
қызығушылықтарын арттыру. Ұқыптылыққа , тазалыққа
тәрбиелеу.
Әдіс-тәсіл:Түсіндіру, көрсету, әңгімелеу, жұмбақ, ойын.
Көрнекілік: Слайд
Құрал-жабдықтар: Гуаш, картоп, мақталы таяқша,
сулық, картон
Полингвалды компонент: Қар-снег-snow, қыс-зима-
winter, табиғат-природа-nature
Инклюзивтік әлеумет: Баяу балалармен жеке жұмыс.
Кіріспе бөлім:
— Балалар күн суық болсада біздің жүрегіміз жылы. Жылуымызды жан-
жағымызға беріп, жылулық шеңберін құрып келген қонақтарымызбен
амандасайық.
Мейірімділік жүрекпен
Ақпейілді тілекпен,
Амандасып алайық
Бір жадырап қалайық.
Негізгі бөлім:
Жұмбақ: Шанамен зырғып жүретін
Коньки, шаңғы тебетін,
Аққала жасап ойнайтын
Қай мезгіл деп ойлайсың?
- Жарайсыңдар балалар!
- Балалар қазір жылдың қай мезгілі?
- Қыc мезгілінің ерекшеліктерін атайықшы?
- Қыс мезгілінің ай аттарын атайықшы?
- Қыс мезгілінде қандай ойындармен ойнаймыз?
- Балалар қар қандай болады?
- (Қар суық, жабысқақ, жылтыр болады)
— Ал қардың үлпілдек екеніне көзімізді жеткізу үшін мына үстөл үстіндегі стакандағы қағаз қиындыларын үрлеп, жапалақтап жауған қарды көреміз.
— Ал балалар, енді қарды ұстап көрейікші,қар қандай екен?
-Қар ерісе суға айналады, ал су қатса мұзға айналады.
Дидактикалық ойын: «Киімдер»
Шарты: Әртүрлі киімдердің суреті үстел үстінде жатады.
Соның ішінен қысқа киетін киімдерді ажыратып алу
керек. Кім қатесіз ажырата алса, сол баланы
мадақтаймыз.
Сергіту сәті:( Музыка әуенімен)
-Ал,балалар! Осы қарды қағаз бетіне суретін түсірейік.
Ал ол үшін мына үстелдерге бөлініп отырайық,-деп балаларға дәстүрден тыс сурет салудың тәсілдерін түсіндіремін.
1- үстел: Мақталы таяқшамен қардың суретін бастырады.
2- үстел: Картоппен қардың суретін бастырады.
Саусақ жаттығуы :
Қолымызды жаурады, жаурады,
Қолымызды жылытамыз, жылытамыз.
Қорытынды бөлім:
-Балалар , ненің суретін қағаз бетіне түсірдік?
— Қар жылдың қай мезгілінде жауады?
-Қыс мезгілі сендерге ұнай ма?
-Қыс мезгілінде адамдар қалай киінеді? – деген сұрақтар қою арқылы оқу қызметін қорытындылаймын.Қонақтармен қоштасып тобымызға ораламыз.
