«Ахмет. Ұлт ұстазы» телехикаясынан алған әсерім…

0
777

Ахмет Байтұрсынұлы «Ұлт ұстазы» деген сөз тарихта жайдан-жай қалмағаны анық, белгілі. Қазақ елін қараңғы түнектен жарыққа алып, қазақ балаларын көзін ашуға аянбай еңбек етіп, осы жолда жарты өмірін құрбан етті. Көптеген қазақ балаларының сауатын ашуға, көзі ашық, көкірегі ояу болуына ұзақ еңбек етті. Ешқандай жағдайға қарамастан мектепте сабақ оқытып, тәлім берді. Қарарайым халықты қараңғы, надан болудан арылтуға, қалың ұйқыдан оятуға әрекет жасады. «Осы замандағы жан таң қалатын нәрсенің бәрі ғылыммен табылған: Адам баласының көкте құстай ұштырған да, дүниенің о шетінен бұл шетіне дейін жеткізген де ғылым, отарба мен откемені де жүргізген де ғылым. Яғни барлығы ғылымға келіп тіреледі», – деп Ахмет Байтұрсынов айтады. Осы ғылым жолында сіңірген еңбегі зор.Қазақ әліппесін жазады, орыс тілді сөздерді қазақ тіліне аударады. Қазақ тілінің дамуына бірден-бір үлес қосады. Тек білім берумен шектелмей, өз бойындағы асыл құндылықтарды, жақсы тәлім-тәрбиені бойына сіңіруге тырысқан. Жан-жақты, парасатты адам. Көптеген үлгі алуға болады. Ұстаз дегенде ойымызға қандай адам келеді? Әрине ақылды, дана, көрікті деп айтсақ болады. Осы сипаттамаға бірден Ахмет Байтұрсынұлын жатқызсақ болады. Ахмет Байтұрсынұлы өз заманында өте әдемі адам болған. Қай жерде болмасын классикалық үлгіде қара костюм шалбар киіп жүрген. Осы тұста кинодан ұстаздар сондай интелегентный адам екенін анық көрсетті. Басқа адамдар көрген кезде тамсанатындай, сондай болуға қызығатындай болу қажет.Ахмет Байтұрсынұлыдан осы қасиеттерді көре аламыз, түртіп алуға болады. Және де ол қарапайым жұмыстарды жасаудан ешқашан тартынбаған. Оған дәлел ретінде медпунктта жұмыс жасаған кезін атап өтсек болады. Қандай жұмыс жасасада, сол арқылы табыс тауып, отбасысын асырады. Сондада кітаптар жазды, газеттің шығуына көп көңіл болды. Қандай қиын жағдай болмасын елін ойлады. Алайда Қазақтың «Ұлт ұстазы» еден жуып жүргені, қынжылтады.

«Ұлт ұстазы» киносының екінші бөлімінде «Қазақ» газетінің шығуына аянбай еңбек еткен көрініс жай табады. «Қазақ «газетінің шығуының мақсаты қазақ елінің көзін ашу болады, қазақ халқының, келер ұрпақтың болашағын ойлауы еді. Алдына келген ешқандай қиындықтарға мойынсынбай, қаржы мәселесінде ескермей, салықтан да бас тартпай, ойланбастан түрмеге түседі. «Қазақ» газеті қалай да болмасын шығу қажет деп жұмыс жасады. Түрмеге отырар кезінде М. Дулатовқа айтқаны мен түрмеге отырамын, сен сол ақшаға мақалалар жазып, газеттің басылым сандарын көбейтуін, бүкіл Қазақ халқына таратуын қажет деп айтады. «Қазақ» газеті қазақ халқының қалыптасуына үлес қосқан бірден бір газет болып табылады. «Қазақ» газетінің басты бетінде киіз үй бейнеленді, Қазақ сөзі жазылды.»Қазақ» газеті деп аталмағанда, «қырғыз»,» киргиз» деп шақырылғанда, еш қарсылықсыз жауап беретін болған.Ахмет Байтұрсыновтың еңбектерінің арқасында қазіргі таңда бүкіл жастарға өнеге, біз содан үлгі алуымыз қажет. Сол кісідей болуымызға тырысу қажет!

 

Авторы: Ұлмерей Шалқарбек

әл-Фараби атындағы ҚазҰУ-нің 1-курс студенті

Оқытушысы: Рамазан Әбілдос

әл-Фараби атындағы ҚазҰУ Қазақстан тарихы кафедрасының оқытушысы, г.ғ.м.


ПІКІР ҚАЛДЫРУ