Сабақтың тақырыбы: Ғарышкер болғым келеді
Сабақтың мақсаты: Оқушыларға қазақтың тұңғыш ғарышкері Тоқтар Әубәкіров туралы мағлұматтар беру. Отанын сүюге, ержүректілікке , имандылыққа тәрбиелеу.
Барысы: Ұйымдастыру
Кіріспе:
Адам ерте кезден – ақ Ғарыш денелерінің Жердегі құбылыстарға әсерін зерттеп, білуге тырысқан.Ол әзірге Жер төңірегіндегі жақын Ғарышқа аяқ аттап басты.Ғарышқа жол 1957 жылы 4 қазанда ашылды. Бұл күні бұрынғы Кеңес Одағында Жердің жасанды серігі ұшырылды.Ал 1961 жылы 12 сәуірде адам баласы тарихында бірінші рет Ю.А.Гагарин ғарыш кемесімен Жер шарын айнала ұшты.Сонымен 12 сәуір тарихқа «ғарышкерлер күні» деген атпен енді. Қазіргі кезде ғарышты игеру тез алға басуда. Азғана уақытта Жер төңірегіне екі мыңға жуық жасанды серік ұшырылды.Солардың ішінде адам ұзақ уақыт тұрып зерттеу жұмыстарын жүргізуге арналған орбиталық стансалар да бар.
Бауыржан:Тоқтар Әубәкіров ұшқыш болуды армандаған. 1990 жылы ғарышкерлер құрамына алынады. 1991 жылы 2 сәуірде Кеңес Одағы ғарышкерлер даярлау орталығында ғарышқа ұшу дайындығына кірісіп, сол жылы 2 қазанда Байқоңырдан «Союз ТМ-13» кемесімен ғарышқа ұшты. Онда ол өзге ғарышкерлермен бірге биотехнология, металлургия , медицин салалары және Арал теңізі аймағы бойынша ғылым зерттейтін жұмыстарын жүргізді. 1991 жылы 10 қазанда жерге оралды.
Айсұлу:Әубәкіров Қазақстандағы ғарыштық зерттеулердің негізін қалауға, Отандық қарулы күштердің әскери даярлығын жетілдіруге , әскери-патриоттық тәрбие жұмыстарын жолға қоюға белсене араласты.
Бірге өсіп, ен жайлаған ұл менен қыз,
Асыға сәлем жолдап жүректен біз.
Тәтті күй, асқақ ән мен әсем биді,
Сіздерге тарту етіп ұсынамыз,- дей отыра биші қыздарды шақырайық.
Би «Айжан қыз»
Ән : «Ғарышкер боламыз» хор
Самғады аспанға
Ер Тоқтар ағамыз.
Күні ертең біздер де Ғарышкер боламыз
Қайырмасы:
Оқимыз білім ап,
Шынығып, күш жинап.
Айға да қонамыз, Шолпанға барамыз.
Ғарышты игеріп,
Ұшамыз алысқа, Әлемді меңгеріп, Барамыз Марсқа.
Қайырмасы:
Сұрақ – жауап.
Би: «Қара жорға»
Қорыту.
