Аттандық, бала шақтан- болашаққа!

0
1466
ұйымдастырылған оқу қызметінің конспектісі

Аттандық, бала шақтан- болашаққа!

            Армысыздар, ата-аналар, ұстаздар! Менің сүйікті де, сүйкімді бүлдіршіндерім. Күні кеше ғана осыдан аттай 9 ай бұрын ,мектеп табалдырығын имене аттаған балғын бүлдіршіндер, күні бүгін оңы мен солын танып, жақсымен жаманды ажыратып, тіл сіндіріп мектеп табалдырығының бірінші сатысына аяқ баспақшы. Бүгінгі  мектепалды  даярлық сыныбының  «Аттандық ,бала шақтан -болашаққа » атты ертеңгілігіне қош келдіңіздер!  

           Олай болса,  даярлық сыныпты бітіруші түлектерді  қарсы алайық!

      Биылғы түлектер менің осы еңбек жолымдағы екінші  көгершіндерім.Сіздердің әр қайсыларыңның орындарың  мен үшін өте ерекше әрі қымбат. Сіздерге ақжол, нұрлы болашақ тілеймін. Бүгінгі мерекелік той салтанаты сіздердің құрметтеріңізге арналады.

                                        Ақ  тілекті  ағытып  бір  тастайық

Қоштасатын  кешімізді  біз  бастайық

Жүздеріңде  көркем  шаттық  арайы,

                                        Өтсін солай әрбір  күнің , әр айың.

           Ендеше  мерекелік ертеңгілігіміздің  алғашқы  құттықтау  сөз кезегін  мектеп директоры  Бүркітова  Гүлзипа  Нұрбаулықызына береміз.

                       Марғұлан:         Қуан,шаттан алақай,

Қуанатын күн бүгін.

Бұл қуаныш себебін,

Бізге қарап ұғарсың

 Ер жетті деп  бөбегім,

                                                      Ата-анамыз қуансын!

Мұғалім:    — Балалар ,біздің Республикамыз қалай аталады?(Қазақстан Республикасы)
                    -Қазақстан Республикасының  рәміздерін  кім атап береді?  \Елтаңба , Көк Байрақ, Әнұран.

 Мұғалім:    — Қазақстан-тәуелсіз мемлекет.Желбіреген көк байрағы,айбынды Елтаңбасы,асқақтаған Әнұраны бар.

Кезекті балалардың тақпақтарына   берейік.

1.Айтжан   Аспан түстес көгілдір,

                    Тік бұрышты матаның

                    Ортасында төгіп нұр

                    Күн жаяды шапағын

                    Астында оның қаланған

                    Қыран құстың бейнесін

                    Азат елдің шалқыған

                    Көңілі деп білерсің.
2.Айару   Елтаңбасы елімнің,
                 Неткен әйбат әдемі.
                 Тұнығындай көңілді,
                 Ортада аспан әлемі.

  1. Лана Май флаг из блу

                  Май флаг  из  брайт,

                  Ай  лайк ит  вери матч

                  Зе  еллоу  сан ,

                  Зе блу – блу  скай

                  Энд   зе  игл  из флу  лайг.        

  1. Тоғжан  Тәуелсіздік жолында
                          Талай-талай тер тамған,
                          Білігім өз қолымда
                          Еркіндігім Елтаңбам .

5.Батырлан:  Отан – деген атамекен

                         Отaн – деген туған жер

                         Отан – ана,

                         Отан – үлкен

                         Қазақстан – туған ел.

Хор:  Бейбітшілік  ел   ұраны!

Би:  Мерекеде сызылтып ,ән салады

         Ән айтып, би де билеп жан салады

         Бұл ұлы мерекеде, «Қоштасу вальсін»

         Бүкіл ел шапалақтап қарсы алады.

Қыздарымызбен ұлдарымыздың орындауында : вальс

Аман-Айару

Ақтан-Сымбат

Батырбек-Лана

Нұрдәулет-Оразгүл

Батырлан-Ұлқия

Әнуар-Гүлзира

       —  Балалар  менің  қолымда  сиқырлы қорап  бар.  Сиқырлы қораптың  ішінде   «Білім  патшалығынан»  сендердің  білімдеріңізді  тексеру үшін беріп жіберген, бірнеше    тапсырмалар  бар  екен. Осы  тапсырмаларды  орындап , сендердің  берген  жауаптарыңа  қарап,  мектепке  даярлықтарыңды  тексереді.

Ендеше  балалар  жыл бойғы  оқып білген  білімдерімізді  ортаға салайық.

 І тапсырма   Сұрақтарға  жауап  беру.
ІІ  тапсырма   Сауат ашу  сабағынан
ІІІ  тапсырма   Математика  сабағынан.
ІҮ  тапсырма  Өз өнерлеріңді көрсетесіңдер
ІІ тапсырма
–         Дыбыстар нешеге  бөлінеді?
–         Дауысты дыбыстарды  қандай текшемен белгілейміз?
–         Дауыссыз    дыбыстарды ше?

        Әріп дегеніміз не? \Дыбыстың таңбасы\

       Дыбыс пен әріптің айырмашылығы қандай? \Дыбысты естиміз, айтамыз. Әріпті көреміз, жазамыз\

   Жұмбақ :  Білімнен  мол  сый- асы,

                        Балғындардың ұясы.  «Мектеп»    Мектеп   сөзін талдау

—     Төрт түліктің аталарын кім атап береді ? 

                              Жылқы  атасы-  Қамбар ата,

                          Сиыр  атасы  —  Зеңгібаба,

                          Түйе  атасы-  Ойсылқара

                         Қой атасы-  Шопан ата

                          Ешкі атасы—Сексек ата.
III тапсырма
–         1-ден 20-ға дейін тура және кері санап беріңдер?
–         Логикалық сұрақ?  Аулада  жүр   үш  тауық,  басы  нешеу,  аяғы  нешеу?  \3бас,6 аяқ\

  Жұп  сандарды  ата?  \2,4,6,8,10\ үш тілде айту
–    Берілген фигуралардың түсін атауын  атаңдар?
–    Бір  жылда неше жыл мезгілі бар? \4жыл\
–    1 аптада неше күн бар? \7 күн\  Дүйсенбі , Сейсенбі, Сәрсенбі, Бейсенбі, Жұма, Сенбі, Жексенбі.
—    Санамақ айту
                  Ретімен тізбелі,
                  Әрбір санды даралап.
                  Қайсың барсың бізге енді ,
                  Айтып берер санамақ.
              (Санамақтар айтқызу) 

               1-дегенім білім,

               2-дегенім елім,

               3-дегенім үміт,

               4-дегенім төзім,

               5-дегенім бесік,

               6-дегенім арым,

               7-дегенім жерім,

               8-дегенім сенім,

               9-дегенім төрім,

               10-дегенім ОТАНЫМ

               Оны мақтан тұтамын!

Ж а р а й с ы ң д а р    б а л а л а р !

Мұғалім :     Білім ошағы –мектеп.

                     Білім –теңіз,мектеп-кеме.

           Бүгін тарыдай болып келгендеріңмен,ертең –ақ осы мектептен таудай болып шығуларыңа тілектеспін. Білім мен өнер жиып үлкен азамат болатындарыңа сенемін.

         — Балалар оқып,білім алып,жақсы әрі білімді  азамат болып өсу үшін қайда     келеміз?

            -Мектепке келеміз.

       Олай болса осы мектеп туралы  қандай тақпақтар, өлең-жырлар   жаттадық.    Ендеше кезегімізді осы мектеп туралы тақпақтарға берейік.

         Ақтан   :      Как  люблю  я  школу ,  мама!

                      Утром  шумною гурьбой

                       В  класс  приходим  самый-самый

                       Этот  класс-  конечно  мой.

  Жоламан:   Школа – это светлый дом,

                       Мы  учиться будем в нем.

                       Там научимся  писать,

                       Складывать  и  умножать.

   Сымбат:  Мектеп — деген білім кені , жыр кені

                     Мектeп — деген ғылымның ең үлкені

                     Мектеп — деген тәрбиеші адамға.

                     Мeктеп — деген даналардың мекені.                                    

  Гүлзира: Нағыз білім ырыс бақ,

                   Дүниені тұр ұстап

                   Енді біздер сабаққа

                   Кірісеміз дұрыстап.

 Батырбек:  Бес болсын алар бағамыз

                      Білімнен  бақыт  табамыз.

                      Өнер  білім   көп  тоқып

                      Өсе  берсін  санамыз.

 Әнуар:   Үлкендердей  тап-таза

                Жазамыз  бормен тақтаға 

                Үлгілі   бала   боламыз

                Жүретіндей  мақтана.

Хор:  Даярлық әні

Би:      Күнінде гүл көктемнің нұрын шашып,
            Жасқанбай әр қадамын нық — нық басып,
            Биімен көрерменді тәнті ететін
            Бүлдіршіндер  келді міне толқып, тасып –дей келе,ортаға «Орыс » биімен биші балаларымызды қарсы алыңыздар.

Айтжан- Гүлбану

Рауан- Айару

Жоламан – Медина

Ақтан- Сымбат

Марғұлан – Тоғжан

           Мұғалім:  Сендердің естеріңде ме,  алғаш осы даярлық сыныпқа  келгенде  кішкентай бүлдіршін едіңдер. Ал қазір  ән айтып, би билеп көп нәрсені үйрендіңдер.Олай болса менің  сендерге қояр сұрағым бар?
           -Алғаш мектеп табалдырығын аттағанда , сендердің қолдарыңа  қалам ұстауды үйреткен  кім?

          -Ол әрине ұстаз «мұғалім»

Осы ұстаздарға арналған тақпақтарға кезек берейік.

 

         Аман : Тек үйреттің әділдікті, адалдықты, 
                      Жирендік, ажыраттық жамандықты. 
                      Жалғастырар ақ жолың сенің салған, 
                      Бар деп ұққын әрқашан балаң мықты. 

         Ұлқия:  :  Баулап , баптап өсірдіңіз

                           Балалық етсек кешірдіңіз.

                           Ұмытпаймыз  сөзіңізді

                           Ұмытпаймыз   өзіңізді.

        Медина: Нет на  свете  школы   краше:

                         Здесь   уютно  и  тепло.

                         И  с  учительницей  нашей

                         Нам ,  признаюсь,  повезло.

Нұрдәулет: Мұғалім- ұстазысың балалардың, 
                      Болашақ ғалымдардың, даналардың. 
                     Өмірде сенің алар орыныңа, 
                     Бірі де жеткізе алмас бағалардың.

Гүлбану :     Ұстаз болу- жүректің батырдығы

                      Ұстaз болу- сезімнің ақындығы

                      Ұcтаз болу- мінездің күн шуағы

                      Ұстаз болу- адамның асылдығы.

Хор:Ұстаз- Ана

                 Теңіздей  тербетіліп көл бетінде,
                Бишілер билеп кетті тербетіле,-деп келесі кезекті бишілерге берейік.

Би:  Попури  өлең  испан, үнді .  Сымбат Тоғжан  Айару Марғұлан

Балаларға  алғыс хат тапсыру.

 

Мұғалім:  Бір ата,бір ананың тірегіміз,

                   Бір болсын қайда жүрсек тілегіміз,

                   Бірлік барда,тірлік бар деген бабам.

                   Бірлікпенен бірге соқсын жүрегіміз! —     дей отырып құттықтау сөзді ата аналарға береміз.

                  Бүгінгі той бәрімізге  құтты болсын

                 Дендеріңіз сау аман – есен мықты болсын!

                 Мектеп есігі әрқашанда ашық болсын!

                 Біріншіге баратын қадамдарың құтты болсын!

                 Бізге сыйлап сыңғырлаған күлкіңді,

                 Сәбилерім жүздеріңде нұр тұнды.

                 Бізден ұшып, қанат қағып өстіңдер,

                 Өздеріңмен қоштасатын күн туды.   

                 Бәріңді де сәбиім деп сүйеміз,

                 Өздеріңді сағынып біз жүреміз.

                 Құтты болсын қадамдарың аттаған,

                 Біз сендерге сәтті сапарды тілейміз-дей отырып  ертеңгілігімізді аяқтаймыз!

Басқа материалдар

ПІКІР ҚАЛДЫРУ