Martebe.kz порталы — ең үздік білім беретін сайт атанды

0
2290

4 қараша күні Астана қаласындағы «Назарбаев орталығында» Қазақстан Тәуелсіздігінің 25-жылдығына орай Қазақстан Республикасы Тұңғыш Президенті қорының үздік қазақ тілді интернет-сайт сыйлығын тағайындау рәсімі болып өтті.  Martebe.kz білім порталы «Білім бұлағы» аталымы бойынша үздік деп танылды.

Байқау мақсаты — интернет жүйесіндегі үздік қазақтілді  ресурстарды анықтау мен насихаттауға, ақпараттық ресурстар мен сервистердің саны мен сапасын арттыруға, желі қолданушыларының қызығушылығын ұлғайтуға, ақпарат кеңістігінде қазақ тілінің қолданыс аясын кеңейтуге және үздіктердің танымалдылығын көтеруге ықпал ету.

Сыйлық құрылтайшысы — Қазақстан Республикасы Тұңғыш Президенті — Елбасы Қоры. Байқау өткізудегі серіктесі мен ұйымдастырушы — Мемлекеттік тілді дамыту қоры.

Байқауға мемлекеттік тілде ақпарат тарататын үкіметтік емес, тәуелсіз қоғамдық сайттар қатысты. Байқау нәтижесін шығраушылар құрамында Қазақстан Республикасы Парламентінің депутаттары, көрнекті қоғам қайраткерлері, ҚР МСМ Тілдерді дамыту және қоғамдық-саяси жұмыс комитетінің төрағасы Қуаныш Асылов болды.14917078_1306457249406991_8250458446298036913_o 14900425_1306457819406934_5069061818708410888_nimg_5380Байқауға республиканың барлық аймақтарынан 30-дан астам өтінім түскен. Байқау комиссиясы 7 аталым бойынша жеңімпаздарды анықталды. «Өткір тіл» — қазақ тілін және ұлттық құндылықтарды насихаттаушы үздік сайт аталымы бойынша www.qazaquni.kz порталы,  «Рухани азық» — қазақ әдебиеті мен мәдениетін насихаттаушы үздік сайт аталымы бойынша www.qasym.kz порталы,  «Терең ізденіс» — қазақ елінің тарихын насихаттаушы үздік сайт аталымы бойынша www.kazmuseum.kz сайты, «Шынайы өмір» — қоғамдағы өзекті мәселелерді талқылайтын үздік сайт аталымы бойынша www.tobyl-torgai.kz сайты, «Спорт тынысы» — салауатты өмір салты мен спортты насихаттаушы үздік сайт аталымы бойынша www.dodasport.kz сайты, «Білім бұлағы» — білім беретін үздік сайт аталымы бойынша www.martebe.kz сайты, «Жастар әлемі» — жастар тақырыбына арналған  үздік сайт аталымы бойынша www.massaget.kz порталы жеңімпаз болып танылды.

Байқау жеңімпаздарына Қазақстан Республикасы Тұңғыш Президенті — Елбасы Қорының  дипломдары мен ақшалай сыйлық тапсырылды.


ПІКІР ҚАЛДЫРУ