Менің сүйікті — өлкем

0
7001

    Менің сүйікті — өлкем, әрине, ол мысты қала — Жезқазған. Мен  Жезқазғанда туып, өстім. Енді,  Жезқазғандық болып қаламын. Бұл қала, жалпы маған қатты ұнайды. Жезқазғаннан ұлағатты ұстаздар да, күміс-көмей әншілер де, мың бұралған бишілер де туып-өсіп , жетілген, білімдерін шыңдаған. Мен бұл қаланы мыс шаһары, мыстың отаны десем артық айтпаймын.Туған жердей — жер болмас,туған елдей — ел болмас, — деген мақал есіме түсіп отыр. Мен осы мақалға байланысты бір оқиға айтып кетейін. Мен жақында  Астана қаласына бардым. Үш күннен кейін қайттым. Туған жердің құдіреті күшті екен. Мен сондай қатты сағынып қалыппын. Жезқазғанның әрбір топырағын, әрбір тасын сағыныппын.
Енді, біз Жезқазғанның тарихына көз жүгіртсек. Менің көрікті де әдемі өлкем 1954 жылы құрылған болатын. Аумағы 1,8 мың шаршы километр ұлан-байтақ жерді алып жатыр. Осыдан 3000 жыл бұрын  Жезқазғанның мысты өңір екені белгілі болған. Бұған куә болған ашық жұмыстар кесіндері мен балқыту пештері дәлел бола алады. Бұрынғы кен қазушылар жер қойнауынан 2 миллион  тоннадан аса жоғары сапалы мыс кенін шығарған,-екен.Уақыт өткен сайын мұндай өндірулер азайған.Сонау жылдардан  халықтың жадында сақталып, бүгінге дейін жеткен жергілікті жер атауы- Жезқазған. Міне қаламның осындай кішкене тарихы бар. Сондай-ақ мен және басқа да Жезқазғанның жастары  қаламызды болашақта көркейтеміз,-деп сенеміз.Енді, мысты қаламды жан тәніммен сүйетінімді мына өлең жолдарымен өрнектегім келеді:                                                                                          Жезқазған мысты мекен туған жерім,                                                       
Тарихи шежіресі қонған жерім.
Өзіңдей шаһарыммен мақтанамын,  
Әлемге танымал болған кенің.

  Басанов Жанжігіт Арқабайұлы
                                                       Қарағанды облысы білім басқармасы «№3 қазақ – түрік лицей — интернаты» КММ
 7-сынып оқушысы


ПІКІР ҚАЛДЫРУ