Әр адамның өмірге деген сүйіспеншілігі, құлшынысы болады. Сол сүйіспеншілігі арқылы өмірде кездескен барлық қиыншылықтарды жеңеді. Кей адамдар өмірдің сынағына шыдамай өз-өзіне қол жұмсауда. Ондай адамдар қолда бар алтынның қадірін білмейді. Бірақ, бұл өмірде сал, рак, зағип сияқты қорқынышты аурулармен туылған немесе жастайынан арбаға таңылған бөбектеріміз қаншама?!
Біреулер бақытты алыстан іздейді. Өмірдің мәнін байлық деп түсінетіндер де аз емес. Шын мәнінде олардың бақыты өздерінің қолында. Ол бақыт — өмірге деген махаббат. Бұл өмірдің бізге берер сынағы көп. Сол сынақтан сүрінбей өтер, өтпесіміз өз қолымызда. Ең бастысы өмірге деген махаббатымыз жоғалмаса болғаны!
