ОБЛЫСТЫҚ ОЛИМПИАДАҒА ҚАТЫНАСУШЫЛАРҒА БАҒЫТТАЛҒАН «Сәттілік серік болсын» атты әлеуметтік – психологиялық тренинг бағдарламасы
Мақсаты: олимпиадаға қатынасушы оқушылардың көңіл – күйлерін көтеру, өзара ынтымақтастықты қалыптастыру, ұжымдық бірлікті нығайту, арман – мұраттарға жетелеу, жағымсыздықтан, мазасыздықтан арылту, сенімділікке шақыру, есте сақтауды, зейінді, қабылдауды дамыту, алға қойған мақсатқа ұмтылдыруды қамтиды.
Көрнекіліктер: әуен, слайдтар, А3-А4 қағаз беттері, қарындаштар, жұмсақ ойыншық, үлестірмелі карточкалар, түрлі – түсті қима қағаздар, маркерлер.
Өтілу бағдарламасы:
Тренинг — жаттығу: «Бүгінгі күнге сәлем»
Мақсаты: оқушылармен танысу, қарым — қатынас дағдыларын, топтық өзара әрекеттесу әдістерін дамыту, күйзелісті төмендету.
Нұсқау: қыс, көктем, жаз, күз белгілеріне қарай 4 топқа бөлінейік. Әр топтың міндеті – мимика мен ишарат арқылы басқа топтарға сәлемдесу түрлерін ойлап, құрастыру.
Талдау:
— Жаттығу сіздерге ұнады ма?
— Сіздің топ бұл тапсырманы қалай орындады?
— Сәлемдесу әдісі тез ойлап табылды ма?
— Сәлемдесу әдісінің идеясын топтан кім ұсынды?
— Қай сәлемдесу түрі сіздерге өте ұнады?
— Бір — біріңе өзгеше сәлем берген кезде нені сезіндіңіз?
«Кедергіні жою» тренингі
Мақсаты: оқушылардың өз қорқынышын жеңуге көмектесу, мақсатқа бағыттау. Нұсқау: Қатысушылар қарама қарсы екі топқа бөлінеді. Қолдарын бір — бірімен қайшылап тұрады. Оқушылар жүгіріп кедергіден өтуі тиіс.
Тренинг: «Бейнені құрастыр»
Мақсаты: топтық байланыс орнату, көңіл – күйлерін реттеу, шығармашылыққа баулу, шаршағанды басу.
Ресурс: музыкалық әуен
Нұсқау: жүргізуші үш топқа «кеме», «табиғат», «тікұшақ» суреттерін құрастыруы керек. Берілген қағаз қиындыларынан топ болып бірігіп макетті құрастыруы керек.
Кері байланыс: Топ болып макеттерді құрастыру қиындық туғызды ма?
Құрастырылған макеттерді табу қиындық туғызды ма?
«Релаксация» жаттығуы
Мақсаты: оқушылардың бойларындағы жағымсыздықтары сыртқа шығарылып, дене – болмысын ретке келтіру.
Нұсқау: Тренинг жүргізушінің нұсқауымен қимылдарды орындау.
- Оң қолым ауырлады – оң қолды сілку 5 рет
- Сол қолым ауырлады – сол қолды сілку 5 рет
- Денем ауырлады – екі иықты қозғалту 5 рет
- Барлық денем жеңілдеді – қолдарын екі жаққа созу, 3 рет шапалақтау.
«Мені түсін» тренинг
Мақсаты: рөлдік қимыл – қозғалыс арқылы ұжымдық бірлікке, көңіл – күйді көтеруге мүмкіндік береді.
Нұсқау: тренингке қатысушылар топтарға бөлінеді. Тренинг жүргізуші әр топтарға тапсырмалар береді. Тапсырмада бір – бірден мақал – мәтел жазылған. Осы мақал – мәтелді олар қарсы топтарға мимикамен (ым – ишарамен) жеткізе білуі тиіс. Ал, қарсы топтар бұл мақал – мәтелді тауып айтулары керек.
«Мен — ерекше тұлғамын» тренинг
Мақсаты: өзіндік ерекшелікті сезіну, өзін – өзі бағалауды көтеру, мақсатқа бағыттау.
Нұсқау: әр қатысушы 30 секунд ішінде, слайд арқылы көрсетілетін суреттерге мақал – мәтел немесе ерекше сөйлем құрастыруы тиіс. Бұл жерде өзінің, жақсы қасиетін айтуға болады болады.
Тренинг — жаттығу: «Маугли тайпасы»
Мақсаты: іштегі қысымды сыртқа шығару.
Нұсқау: қатысушылар тренинг жүргізушімен бірге бірдей байланыста іс – қимылдар жасайды.
«Кім тапқыр?» интеллектуалды тренинг
Мақсаты: оқушыларды жүйрік ойлауға, көре білуге, мақсатқа бағыттау.
Нұсқау: оқушыларға арнайы бейнефильм көрсетіледі. Осы бейнефильм бойынша тапсырмаларды шешу қажет.
Аффирмация – (өзін-өзі сендіру, ойды бекіту сөздері болып табылады).
• Мен табысқа жететініме толық сенімдімін, менің үнемі жолым болады.
• Әр бір күн, әр бір сағат сайын менің өмірім жақсарып барады.
• Жақсылық, дұрыс таңдау және амандық үнемі менің қасымда.
• Мен қандай болсам, өзімді сол қалпымда жақсы көремін.
• Менің қабілетім әр күн сайын жақсаруда.
• Өзіме деген сенімділік үнемі менің жадымда.
Рефлексия: «Ақ тілек» Оқушылар шеңбер құра отырады да, жұмсақ ойыншықты әр қайсысы кезекпен кезек ала отырып, ыстық жылы лебіздерін, ақ тілектерін білдіреді.
Истигулова Мейрамгул Кантарбаевна
Ақтөбе облыстық мамандандырылған физика – математикалық мектеп-интернатының психологі
