Өсиет сөздер

0
508
Иллюстрация: Freepik.com

                                     Бар мұсылман қауымының бәрі-дағы білсін,                                                                         Сен Аллаға кіп-кішкентай, тарыдайын құлсың                                                                     Тіптен, егер сондай атқа лайық бола алмасаң,                                      Бұл жалғанда не себепті өмір сүріп жүрсің?!

                                     Басын қосса дос-жарандар бастар ісі арақтан,                                                                       Бұл адамдар қорықпайды екен күшті Аллаһтан.                                                                   Ал мұсылман басын қосса Құдай үйі Мешітте,                                         Бір Аллаға теңеу қоспай құдіретті деп санатқан.

                                      Кейбіреулер таң намазға ұйқыларын қимаған,                                                                       Ал мұсылман намазының әр секундын сыйлаған.                                                                  Кей адам бар Оразасын қалдырмастан ұстаған,                                      Кей адам бар нәпсі қуып, дүние-мал жинаған.

                                      Мұсылман бар азан үнін ұйып тұрып тыңдайтын,                                                                Мінезі де ашық-жарқын, тірі жанды сыйлайтын.                                                                   Кей адам бар жын-ойнаққа құныққандай ән тыңдап,                                  Қабағынан қаһар төгіп, қонақ келсе сыймайтын.

                                       Ей, адамдар, қазақ деген дана болған қашан да,                                                                     Ислам дінін ұстаған жан хақ жолынан қашар ма?!                                                                 Иман менен адамшылық болмаса егер ұлтыңда,                                           Ұрпақтарың «адам» болып, алға қарай басар ма?!

                                        Осы айтқанның барлығына сеніңіз де, наныңыз,                                                                    Жұма сайын құран оқып, мешіттерге барыңыз.                                                                      Ертеңіме сенем десең, ей, мұсылман баласы,                                          Сене жүргін бір Алланың құдіретіне бәріңіз!

                                                                                   Шынар Төлеухан


ПІКІР ҚАЛДЫРУ