Тақырыбы: «Спорт-өмір серігі»
Сағат 10 00-1300
Өтетін орны: спорт залы.
Безендірілуі: кегли, доп, жеміс-жидектер, банан, өрмекші, құрбақа, тасбақа, кірпі, әтеш, маймыл, қоян, кенгурулердің бет перделері, т.б. спорттық заттар.
Топтар: I ортаңғы «Құлыншақ», II ортаңғы «Нұрсәуле» топтары.
Мақсаты:
Ата-ана мен балалардың арасындағы қарым-қатынасты нығайту отырып, спортқа деген қызығушылықтарын арттыру.
Қимыл-қозғалыс элементтерін қолдану арқылы ата-аналар мен балалардың дене қабілеттерінің жануарларға сәйкес ширақ болуын дамыту.
Осы қимыл-қозғалыс түрлері арқылы ата-аналардың, балалардың ширақ та, шымырлы, жылдам да тездік қасиеттерге тәрбиелеу.
Барысы:
Армысыздар ата-ана, құрбы-құрдас!
Бармысыздар, жанкүйер, әз қауымдас!
Бүгінгі спорт жарысын біз бастайық
Жарыста көңілменен қол соғайық!
Біздерде спорт жарысы басталады,
Тамаша ойын ойналып, асыр салады.
Қошеметтеп, қол соғып отыралық,
Ұмытарсыз күн бойы шаршағанды.
Топтан 5 бала ата-анасымен екі командаға бөлініп, ойналады. Ойын жануарлар жарысы есебінде жүргізіледі.
Әділ-қазы береді,
Өздеріңе сыйлықты
Бізге айтып береді,
Кім спортшы, кім мықты?
Ата-аналар арасынан әділқазы мүшелерін сайлап алу.
- Эстафеталық ойын. «Хайуанаттар бағына саяхат»
Қатысатын ата-аналарды тұрғызып, екі топқа бөлемін.
Топ аттары таратылып беріледі, осыған сәйкес ұранын ойластырады.
- Әр топ өз аттарын, девизін айтып таныстырады.
- «Өрмекші жарысы» ойыны. Берілген қашықтыққа дейін отырып, допты алдына салып, өрмекші сияқты жүріп көрсетеді. Ата-аналар ойнайды.
Спортшы боламын болашақта Бақтиярдай
Төземін мен қиын жолға қарамай.
Ренжімеймін өтпей қалсам байқаудан
Қалып жатса шартына мен жарамай.
- «Құрбақа жарысы» . Құрбақа сияқты отырып, секіріп, әр секірген сайын «ква-ква» деп айтып отырып, берілген қашықтыққа дейін секіріп, кері секіріп орнына келуі тиіс. Бұл ойынды балалар ойнап көрсетеді.
- «Тасбақа жарысы» Ата-аналар берілген тасбақа киімін киіп, берілген қашықтыққа дейін тізерлеп, кері осы қимылмен келіп, келесі ойыншыға киімін береді..
Дәлдеп түсіру нысанаға қиын емес,
Мақсатқа жет мейлі сен күн-түн егес.
Мерген бол көздеп тұрып түсіретін,
Сені ешкім ешқашанда олқы демес.
- «Қояндар жарысы» Берілген қашықтықтағы шелекке кәрзеңкедегі сәбізді алып лақтырып, дәл түсіруі керек. Балалар ойыны
- «Әтештер сайысы». Шеңбер ішінде екі әтеш шығып, иықтарымен соғып бір-бірін шеңберден шығаруы тиіс. Егерде бір ойыншы шығып кетсе, жеңілгені. Ата-аналар ойыны
- «Кірпілер жарысы». Әр ойыншы көздерін байлап, жерде шашылып жатқан жеміс-жидектерді, жаңғақтарды өз кәрзеңкесіне жинайды.Алмаларды алып өз орнына тасиды. Берілген музыка біткенше. Ата-аналар ойыны
- «Маймылдар жарысы». Арқанның ортасына байланған бананды екі команда тартып алулары тиіс. Арқаннан емес, бір-бірінен ұстап тұрулары керек. Ата-аналар ойыны.
- «Кенгуру жарысы». Қатысқан ата-ана өз балаларын көтеріп, берілген қашықтыққа дейін, орнына көтеріп әкелулері тиіс.
«Достық» әні орындалады.
Жеңістер мен жеңілістен тұратын,
Өмір-күрес, жеткізе ме мұратын.
Жеңбедім, жеңілдім деп ренжімегін,
Қатысу да бір жеңіс, жан болсаң сен ұғатын.,- деп әділқазы мүшелеріне сөз беріледі. Қай топ тез бітірсе, сол топ мадақтамамен марапатталады..
«Қош» демейміз, әлі талай сайыстар бар,
Өнерлерің шыңдай берсін, қалыспаңдар.
Спортсмен әке-шеше көбейсін күннен-күнге,
Бола берсін жарыстар бақшамызда,- деп жарысымызды аяқтаймыз.
басқа материалдар
