Білім беру саласы: Коммуникация
Ұйымдастырылған оқу қызметі: Сауат ашу
Тақырыбы: Ы әрпі мен дыбысы
Мақсаты:
Білімділік: Ы дыбысы және ірпімен таныстыру. Сөз, сөйлем, буын туралы түсінігін кеңейту. Ы әрпінің баспа түрін жазуды үйрету. Ы дыбысы бар сөзге дыбыстық талдау жасай білуге, дыбыс пен әріпті ажырата білуге үйрету.
Дамытылушылық: Балалардың сөздік қорын молайту. Ойлау қабілетін, зейінін, қол моторикасын дамыту. Балалардың қолдарын жаттықтыру.
Тәрбиелік: Балаларды сыпайылыққа тәрбиелеу.
Қолданылатын әдіс-тәсілдер: көрнекілік, сөздік, ойын,
Жаңа сөздер: ыдыс, ырыс
Қолданатын көрнекіліктер: Суреттер, слайд, кеспе әріптер қалтасы, текшелер, әліппе-дәптер, үлестірмелі материалдар
| Әрекет кезеңі | Тәрбиешінің іс-әрекеті | Балалардың іс-әрекеті |
| Мотивациялық қозғаушы |
Балалармен шаттық шеңберін құру. Алақанды ашайық, Күннің нұрын алайық. Жүрекке жылу салайық, Жиналған жылы шуақты, Бір-бірімізге шашайық. 4-слайд
Дид ойын: «Сөз ойла, тез ойла» Мақсаты: Төртбұрышты қораптың жан-жағына(А, Н, Л, Р, О, Т, У, Ш, С, Д ) әріптерді лақтыру арқылы естеріне түсіру, сол дыбыстардан басталатын сөздер айту 6-слайд -Қазақ тілінде неше әріп бар? -Дыбыстар дегеніміз не? -Әріптер дегеніміз не? -Дыбыс нешеге бөлінеді? 7-слайд
|
Шаттық шеңберге тұрып, тәрбиешімен бірге қайталайды.
Қызығушылық танытады
Өз ойларын ортаға салады |
| Іздену ұйымдастырушы |
(Слайдтан ертегі көрсетіледі) -Мынау қай ертегінің кейіпкерлері? -Ия! «Бауырсақ» ертегісінің кейіпкерлері. Осы Бауырсақты түлкіге жегізбеу үшін жаңа дыбыспен танысып, тапсырмалар орындаймыз. 8-слайд Бауырсақ тапсырмасы: “Сиқырлы үйлер”ойыны Мақсаты: Дауысты мен дауыссыз дыбыстарды ажыратып, көк және қызыл үйлерге орналастыру. 10-слайд
Кесе, шыны, пияла Оларсыз шай құя ма? Қасықсыз тамақ жемейміз, Бәрінің атын не дейміз? (ыдыс) 11-слайд
Ы дегенім ыдыс, іші толған ырыс .
Ы ы дауысты дыбыс. Ыдыс – сөздің басында, Сырмақ – сөздің ортасында, Құты — сөздің соңында келеді. 12-слайд
Қасқырдың тапсырмасы: “Суретпен жұмыс» Мақсаты: Суреттегі заттардың аттарын атап, сөздегі ы дыбысының орнын ажырату. 1-тапсырма.Педагог балалардың көңілін суретке аударады. 15- слайд
Суреттегі жануарларды атайды. Жануарлардың қоректенуі туралы қысқаша əңгіме жүргізу. 16-слайд
Суреттегі жануарлардың жəне заттардыңқайсысынан ы дыбысы естіледі. Балалар ы дыбысы бар сөзді анықтайды.
2-тапсырма.Сұраққа сөйлем сызбасымен жауапбер. Шырын құлынға не берді? Ы – дыбысы – дауысты дыбыс. Ы дыбысын айтқанда тіліміз артқа жылжиды. 17-слайд
Сергіту сәті(бейне таспа арқылы өткізеді) 18-слайд
Қоянның тапсырмасы: “Дәптермен жұмыс» Мақсаты: Ы дыбысының баспа түрін жазу 19-слайд
Түлкінің тапсырмасы: “Буындап оқу» Мақсаты: Сөздерді буындап оқу. 22-слайд
Ой тастау: Суыр-сурок-marmot Тышқан – мышь – mouse Қасқыр-волк-wolf Қонжық – медвежонок – bear Тотықұс – попугай –parrot 23-24-слайд |
Ертегі атын айтады
Дауысты, дауыссыз дыбыстарды сиқырлы үйлерге орналастырады.
Жұмбақ шешуін табады.
Мұқият тыңдайды
Өз ойларын айтады.
Естерінде сақтайды.
Бойларын сергітеді
Ы әрпін баспа түрде әліппе-дәптерге жазады.
Буындап оқиды.
Жаңа сөздерді жаттайды. |
|
Рефлексті коррекциялаушы |
1.Бүгін біз қандай дыбыспен таныстық? 2.Ыдыбысы қандай дыбыс? 3.Қай ертегінің кейіпкерлерінің тапсырмаларын орындадық? Қай тапсырманы орындау қызықты болды? 25-слайд
|
Сқрақтарға жауап береді.Өз ойларын ортаға салады. |
Күтілетін нәтиже:
Біледі: Балалар «Ы» дыбысынан басталатын сөздерді біледі және өткен әріптерді таниды, ажыратады.
Түсінігі : Балалардың Ы дыбысы кездесетін сөздер жайлы түсінігі бар.
Орындай алады: суреттер арқылы сөйлем құрауды, Ы дыбысыңың дауысты дыбыс екенін, Ы дыбысы бар сөздерді буынға бөлуді орындай алады.ы әрпін баспа түрде жазады.
Басқа материалдар
