«Қызықты математика» үйірме жоспары

0
979

Үйірме жұмысының мақсаты:  оқушылардың математика пәніне деген қызығушылығын арттыру,олардың шығармашылық қабілетін дамыту.

Үйірме жұмысының міндеттері:

  • Математикалық білімге қызығушылығын арттыру
  • Ой-өрісін кеңейту
  • Өз бетімен жұмыс істеу қабілетін дамыту;
  • Тапқырлыққа тәрбиелеу ;
  • Математиканың өмірмен байланысын көрсету.

Күтілетін нәтиже:

  • Оқушылар есептерге талдау жасай білу, шығару жоспарын құра білу, қорытынды жасай білуге үйрену керек.
  • Байқағыштыққа,тапқырлыққа берілген есептерді шеше білу.
  • Логикалық есептерді шеше білу.
  • Өз бетімен және ұжымда жұмыс істей білу.
  • Математикалық ой-өрісін кеңейту.
  • Математикалық білімін толықтыру.
  • Қосымша әдебиеттермен жұмыс істей білу.

Үйірме сабағының құрылымы:

  • Баяндама 5-10минут (математика тарихы бойынша, математик-ғалымдар туралы,қазіргі заманғы математиканың даму тарихы туралы, адам өміріндегі математиканың орны туралы және т.б..).
  • Қиындығы жоғары есептер шығару.
  • Қызықты есептерді шешу.
  • Олимпиадалық есептерді шешу.

Үйірме жұмысын жүргізудің негізгі формалары:

  1. Тақырыптық аралас сабақтар:
  • Мұғалімнің немесе оқушының баяндамасы;
  • Белгілі бір тақырыптағы есептерді өздігінен шешу;
  • Есептерге талдау жасау;
  • Қызықты есептер,тапқырлыққа берілген есептерді,математикалық софизмдерді шешу,математикалық ойындар ойнату;
  1. Түрлі конкурстар ұйымдастыру:
  • Математикалық карусель.
  • Турнир, эстафеталар.
  • Викториналар
  • Ауызша немесе жазбаша олимпиадалар.

3.Оқушылардың рефераттарын тыңдау;

  • Топпен математикалық газет шығару:
  • Аудандық ,аймақтық олимпиада тапсырмаларын талдау, қатемен жұмыс жасату.
  • Әртүрлі тақырыптағы есептер шығару.
  • Үй тапсырмасына талдау жасау.
  • Математикалық модельдер жасау.
  • Есептер құрастыружәне оны шешу
  • Математикамен байланысты көркем шығармалардан үзінді оқу.
  • Математикадан видеофильмдер, кинофильмдер, диафильмдер көру.

Математикалық үйірменің бағдарламасы

р/с Мазмұны Мерзімі
1 Сан сұраққа саяхат
2 Математика тарихынан ескілікті есептер
3 Қазақтың қулық есептері
4 Математикалық фокустар
5 Соңынан шығарылатын есептер
6 Геометриялық викторина
7 Логикалық сипаттағы есептер. Әзіл есептер
8 Комбинаторика есептері
9 Жылдам есептеу тәсілдері.
10 Қорытынды. Үйірме жұмысы туралы презентация жасау

 

Үйірме-«Геометриялық викторина»

Сынып: 8

Тақырып: Көпбұрыштың аудандары (тіктөртбұрыштың, параллелограмның, үшбұрыштың, ромбтың және трапецияның аудандары)

Мақсаты:
-көпбұрыш ауданының анықтамасы мен қасиеттерін білу;
-үшбұрыштың ауданы формуласын қорытып шығару, қолдану.

  1. «Формула әлемі» сәйкестендіру тапсырмасы.

а) Тіктөртбұрыш ауданы——-S=a b
ә) Параллелограмм ауданы——— S=a  h
б) Ромб ауданы—————-S=
в) Үшбұрыш ауданы———-S=
г) Трапеция ауданы————S=

2. Шығармашылық тапсырма (тіктөртбұрыш ауданы)

Нұр-сұлтан қаласындағы «Солтүстік шұғыла» тұрғын үй кешеніндегі әр ғимараттағы бір торкөз шаршысының қабырғасы 3,3 м деп алып,
а) 38 қабатты ғимараттың бүйір жақтары ауданын жуықтап есептеңдер;
ә) оның биіктігін есептеп тауып, оны нақты биіктігімен салыстырыңдар.

  1. Герон формуласы

Үшбұрыштың а,в,с үш қабырғасы арқылы ауданын есептеуде Герон формуласы қолданылады.
(Герон формуласы дәлелденіп, түсіндіріледі)
Тарихқа шолу
Ежелден-ақ адамзат түрлі қарапайым фигуралардың аудандарын есептей білген. Мәселен, б.з.д 2000 жылдары мысырлықтар тең қабырғалы үшбұрыштың ауданын есептеу үшін жуықтау формуласын қолданған. Ал Герон формуласы б.з. І ғасырында өмір сүрген александриялық Геронның «Математика» атты кітабында кездеседі. Жалпы үш қабырғасы бойынша үшбұрыштың ауданын есептеуді тұңғыш рет Архимед ойлап тапқан.(б.з.д ІІІ ғ.).

  1. Карточкалар

№1 (параллелограмм ауданы)

Параллелограмның ұзындығы 13см-ге тең диагоналы оның ұзындығы 12см-ге тең қабырғасына перпендикуляр. Параллелограмның ауданын табыңдар.

№2 (ромб ауданы)

Ромб диагональдарының бірі екіншісінен 1,5 есе үлкен, ауданы 27 см*2. Ромбының диагональдарын табыңдар.

№3 (трапеция ауданы)

Трапецияның параллель қабырғалары 60см және 20см, бүйір қабырғалары — 13см, 37см. Трапеция ауданын табыңдар.

№4 (үшбұрыш ауданы)

Катеттерінің қосындысы L , тік бұрышынан түсірілген биіктігі h болатын тік бұрышты үшбұрыштың ауданын табыңдар.

№5 (Герон формуласы)

Пифагор теоремасы мен косинустар теоремасын қолданып Герон формуласын дәлелдеңдер!

Дереккөз: Bilimjoly.kz

Математика пәнінен басқа да есептер жинағын қарап көріңіз.

  1. Қызықты әзіл есептер жинағы 
  2. Тапқырлықты талап ететін логикалық есептер

 


ПІКІР ҚАЛДЫРУ