Көптеген ғалымдар әлем 13-18 миллиард жыл бұрын пайда болды деген пікірде. Алайда нақты уақытын дөп кесіп ешкім айта алмайды. Бұған дейін не болғандығы әлі де жұмбақ күйінде қалып отыр. Ғалымдар арасында біз өмір сүріп отырған әлем өзге бір әлемнен бөлініп шыққан «көпіршіктен» басталған деген көзқарас қалыптасқан. Кейбіреулерінің пайымдауынша, бастапқы кездегі әлем ішіндегі заттардың бәрі адам нанғысыз ыстық және ауыр доп сияқты көлемге дейін сығылған. Доп үрленген шар секілді үлкейе бастаған кезде оның ішіндегі заттардың бәрі сыртқа жарып шыққан деседі.
