Күнтізбе бізге жыл бойы істелінетін жұмыстарымызды ұмытпау үшін керек. Сонымен қатар уақытты бақылауға да көмектеседі. Жыл күн, апта, айдан құралады. Ғылым бойынша алғашқы үш жыл 365 күннен, төртіншісі 366 күн болып есептеледі. Алғашқы күнтізбе қашан пайда болды? Көптеген ғасырлар бұрын Орталық Америкада ацтектер мемлекеті болды. Олар жерге тастан дөңгелек пішінді орасан күнтізбе ойып жасаған. Әр күні сол күнге сәйкес белгімен белгілеп отырған. Араб күнтізбесі туралы білгің келе ме? 622 жыл арабша бірінші жыл болып есептеледі. Бұл — Пайғамбарымыз Мұхаммедтің (с.а.с) Меккеден Мединаға көшіп барған жылы. Жылдардың бұл жүйесі ай «хижрасы» деп аталады. Араб күнтізбесі араб елдерінде, Африканың мұсылман дінін ұстанатын елдерде ресми қолданылады. Қазіргі заманғы күнтізбені кім ойлап тапты? Б.з.б. ежелгі Римді басқарған Юлий Цезарь астроном Созигеннің жобасы бойынша жаңа күнтізбе жариялады. 1582 жылы Рим папасы Григорий әрбір 4оо жылда 3 кібісе жылды жәй жыл есебінде алу туралы жарлық шығарды. Қазақстанда 1918 жылдан бері Григорий күнтізбесі қолданылып келеді.
Деректер «Энциклопедиядан» келтірілді
