Мұхтар Әуезов атындағы
№128 жалпы білім беретін мектеп мұғалімі
Бургебаева Лаура Калмуратовна
Сабақтың тақырыбы: Жалқы есім мен жалпы есім
Сабақтың мақсаты:
Білімділігі: Жалқы және жалпы есім туралы түсінік бере отырып, жаттығулар орындау арқылы, сөйлем ішінен оларды таба білуге үйрету.
Дамытушылығы: Оқушылардың ойлау және шығармашылық қабілеттерін дамыту.
Тәрбиелілігі: бірлікке, ұйымшылдыққа, бір-бірін тыңдай білуге тәрбиелеу.
Түрі: аралас сабақ
Көрнекілігі: суреттер, ребус, сөзжұмбақ
Әдісі: түсіндіру, әңгімелеу, көркем сөз оқу, топтастыру, тірек сызба, Венн диаграммасы
Пән аралық байланыс: әдебиеттік оқу, дүниетану
Сабақтың барысы:
І. Ұйымдастыру кезеңі:
Үлкенге де «сіз»,
Кішіге де «сіз».
Сәлем беріп сіздерге
Бас иеміз біз!
Үй тапсырмасын тексеру: 136 бет, 4-жаттығу. А әрпімен басталатын қала аттарын тауып жаз.
Арал, Ақтау, Алматы, Арқалық.
ІІІ. Үй тапсырмасын қорытындылау:
Бұл ненің аттары?
Бұл сөздерді қандай әріптермен жаздық?
Бұл қай сөз табына жататын сөздер ?
Зат есім дегеніміз не ?
Жалқы есім дегеніміз ше ?
Жаңа сабақ:
Дәптерлерін жинап, күн ретін, көркем жазу жұмысын жүргізу.
Көркем жазуға:
Құтжол
Алабай
Ит
Біз өткен сабақта жалқы есім деген не? Жалпы есім деген не? екенін білдік. Бүгінгі сабағымыз осы сабақты қорытындылау, пысықтауға берілген.
- Жаңа сабақты бекіту:
Оқулықпен жұмыс.
1-жаттығу.Жаңылпашты жатқа жазып, жалқы есімдерді тап. Жаңылпашты жаттап ал.
Айдарбек
Бұзауды байлар,- деп
Айтып кетті,
Айдар мен Жайнар кеп.
2-жаттығу. Сөйлемдерді оқы. Дәурен жалқы есімдерді дұрыс жазды ма? Қатесін түзетіп, сөйлемдерді көшіріп жаз.
Жетісу – Қазақстанның Оңтүстігіндегі жеті өзеннің аты. Олар Іле, Шу, Тентек, Қаратал, Ақсу, Лепсі, Көксу.
Сергіту сәті:
3-жаттығу. Сөйлемдерді оқы. Жалқы есімдер мен жалпы есімдерді екі бөліп жаз. Венн диаграммасын құру.
Өзің қалаған төрт сөзді пайдаланып сөйлемдер құрастыр.
4-жаттығу. Мәтінді оқы. Жалқы есімдерді теріп жаз.
Бөрте мен Нұржан
Нұржанның әкесі Қаратау бойынан тауешкі лағын тауып әкелді. Лақ Нұржанға қатты ұнады. Әкесі Нұржаннан:
Мұның атын кім қоямыз? – деп сұрады
Бөрте қояйық, — деді Нұржан
Содан бастап Нұржан Бөртемен достасып алды. Жем, су берді, кейде қант та береді. Бөрте қантты қатты ұнатады.
Өзің үй жануарларына қандай қамқорлық жасайсың?
Топтастыру ұйымдастыру:
6-жаттығу. Мақалды оқы. Жалпы есімдерді тауып, сұрақ қой.
Адам жерге нәр береді,
Жер адамға нан береді.
Нәр өзінің мағынасын аш. Мақалды жаттап ал, мағынасын түсіндір.
Тақтамен жұмыс: Көру диктанты.
Жетісу көркем өлке. Іле – осы өлкедегі үлкен өзен. Ол балқаш көліне құяды. Көл жағасында Балқаш қаласы орналасқан.
Тапсырмасы: Жалқы есімдерді табу.
- Қорытындылау:
Жалқы есім дегеніміз не?
Жалпы есім дегеніміз не ?
Мысал келтіру.
- Үйге тапсырма беру:
Күнделікті ашайық,
Тапсырманы жазайық,
Бүгінгі алған білімді
Ұмытпай есте сақтап алайық.
