Адамдарға көп жағдайда қандай да бір іспен айналысу үшін немесе мақсатқа жету үшін мотивация керек . Кейде пенде болған соң өмірге деген құлшынысың артпай, өмір қызық еместей болып көрінеді. Сондай сәттерде өмірге деген қызығушылығыңды арттыратын , өзіңді шабыттандыратын қандай да бір іспен шұғылдануың қажет деп ойлаймын.Осындай сәттерде «Қандай іспен шұғылданамын ,мотивацияны қайдан аламын?» деген сұрақтар туындайды. Мен мотивацияны көбіне жақын адамыммен сырласқанда,кітап оқығанда немесе фильм қарағанда аламын.Көбіне қолым бос кезде өзім отырып қызықты фильмдер көргенді жақсы көремін. Фильмді көріп қана қоймай оны ұғынып ,өзің үшін түйін шығарып үйренуің қажет.Ал түйін шығару үшін кез-келген фильмді емес, мән-мағынасы бар фильмді көруге кеңес беремін.Мағынасы бар фильмдер сізге тек мотивация ғана емес , қандай да бір ой тастауы мүмкін.Өзім көрген сондай қызықты ,әрі шабыт беретін фильмдер тізбегін сіздерге ұсынамын .
- Дангал(Күресу)
Дангал – 2016жылы түсірілген үнді туындыларының бірі болып табылады.Спортты сүйетін адамдарға өте әсерлі фильм.Сонымен қатар қазіргі кезде көтеріліп жатқан ең маңызды жағдайлардың бірі – феминизм,әйел теңдігі туралы айтылады.
Фильмнен қысқаша айта кететін болсам ,Дангал қазақ тілінде «Күресу» деген мағына береді. Басты рөлдегі Махавира Сингха Пхогата жастайынан күреске әуес болады. Алайда отбасы мен ақша мәселесіне байланысты күресті тастап кетеді. Оның арманы елінің туын желбіретіп,алтын медаль алып беру болатын.Бірақ , ол бұл арманын орындай алмаған соң,болашақта ұлымды күреске баулып, еліме қалайда алтын белгі аламын деп ант етеді. Алланың жазғаны сол шығар оның ұлы емес төрт бірдей қызы болады. Махавира Сингх қыздың өмірі тек қазан-ошақтың қасы емес,одан да үлкен белестерді бағындыруға болатынын көрсетеді.Ол қыздарын жастайынан спортқа баулып,үлкен жетістіктерге қол жеткізіп елінің туын асқақтатады.Фильмде тек шаршы алаңда күресу ғана емес,өз-өзіңмен күресуді,жеңіс пен қатар жеңіліс те бірге жүретінін үйретеді.Алайда сол жеңілістерге мойымай өзіңе сеніп,тек алға ұмтылуды көрсетеді.
2.Бақыт жолында ( В погоне за счатьем )
Бақыт жолында – бұл фильмді көп адамдар көрген болар. Алайда көрмеген болсаңыздар міндетті түрде көруге кеңес беремін. Шынайы өмірден алынған мотивацияға толы,өте әсерлі фильм. Фильмнің қысқаша сипаттамасы: Крис Гарднердің ұлы ғана бар, үйі де, жұмысы да ештеңесі жоқ. Ол ештеңеге қарамастан ұлы үшін, арманы мен мақсаты үшін барлығына да барады.Крис үшін мотивация оның — ұлы. Мақсатына жетер жолда қанша кедергілерден құласа да, қиындықтарға мойымады. Ол бақыт жолында көп қиыншылық көретінін біле тұра, барлығына тәуекел етті.Тәуекел етіп, ешқашан мойымаған адам әрқашан жеңіске жетеді.
- Капернаум
Капернаум – 12 жасар баланың басынан кешкен оқиғасы айтылады. Фильмнің сюжеті өмірден алынған,адамға ой салады. Кейде біздің басымызда болып жатқан қиыншылықтар мына баланың қиыншылығының қасында түк еместей көрінеді.
Фильмнің қысқаша сипаттамасы: 12 жасар Зейн көп балалы , жағдайы нашар отбасында дүниеге келеді. Ата-анасының жауапкершілігі болмағасын,Зейн бар ауыртпашылықты өз мойнына алады. Кішкентайынан дүкендерде зат тасып,қайыршылықпен айналысып үйіне ақша әкеледі. Қиындықтан қажыған кішкентай бала Швецияға кетуге документтер дайындайды. Алайда оның жоспары орындалмай , өмірі түбегейлі өзгереді.Бұл фильм қанша сағың сынса да,өмірден түңілмеуді,барға қанағат,жоққа тәубе етуді үйретеді.
- Неприкасаемые 1+1
Бұл шынайы өмірден алынған, өте керемет фильм. 2011жылы жарыққа шыққан,комедия жанрындағы фильм. Қысқаша сипаттамасы: басты рөлдерде Франсуа Клюзе мен Омар Си ойнайды. Филипп – өте бай,бірақ арбаға таңылған кісі. Ал Дрисс түрмеден шыққан бұзақы болады. Филипп өзіне қарайтын көмекші іздейді және оның көмекшісі боып Дрисс жұмысқа тұрады. Қыңыр мінезді Филипп пен бұзақы Дрисс жақсы достарға айналады. Дрисс Филипптің аяғы мен қолы болады,өмірде аяқ-қолың жұмыс жасамаса да бақытты өмір сүруге болатынын көрсетеді.
Фильмнен өмірде ақша мен байлықтан да басқа құнды дүние бар екенін түсінесің. Әрқашан кез-келген сәтте сені қолдайтын,сен үшін уақытын арнайтын адамдардың барын ұғынасың, сезесің, қуанасың.
5. Человек, который изменил все (Барлығын өзгерткен адам)
Бұл фильм 2011жылы АҚШ-та жарық көрді. Басты рөлле Брэд Питт ойнайды. Фильмнің қысқаша мазмұны: Өмірден алынған бейсбол командасының менеджері Билли Бинаның шынайы оқиғасы. Билли Бинаның командасындағы барлық адамдар оқыс апаттан қайтыс болады.Ол қайта команда жинау үшін көп еңбек етеді.Оған ешкім сенбесе де , ол өзіне сенімді болды. Фильм тек спорт жайлы емес, сонымен қатар өмірде екінші мүмкіндіктің болатынын, оны тиімді пайдалану керегін, адамдардың сан қырлы таланты болатынын көрсетеді. Өмірде таңдау жасаудан қателеспеу керегін, өзіңді және басқаны да өзгерте алатыныңды үйретеді.
Міне,бұл мен көрген және маған ұнаған фильмдер топтамасы. Қысқа екі сағаттық фильмдерден де ой саларлық дүние көруге болады.Сондықтан бір сәт уақытыңызды бөліп,пайдасы бар фильмдер қараңыздар.
Ерсайынова Бибақыт Тұран университеті 3курс
