«Қош бол, Әліппем!» атты әліпемен қоштасу шарасының сценариін назарларыңызға ұсынамыз. Қызықты құрылған сценарийден өз керегіңізді аласыз.
Жүргізуші:
Ұстаздар шығарады кеменгерді,
Бүгінгі ертеңгіліктің куәгері.
Ду қол шапалақпен қарсы алайық,
Бүгінгі салтанат иелерін.
Өтті оқу сан сабақ,
Бүгін үлкен салтанат.
Оқулықпен достасып,
Даярлықпен қоштаспақ!
Кіру би: «Я зайчик…»№1
Санжар: Жеті жасқа толамыз,
Әдепті бала боламыз.
Қуантып ата – ананы,
Мектепке кетіп барамыз
Інжұна: Ана тілін ардақтап,
Ата салтын біз көрдік.
Сурет салып,ән жаттап,
Оқып, жазып үйрендік.
Әсет: Оқимыз, білім аламыз,
Болашақ жолын саламыз,
Бақшамызбен қоштасып,
Біз мектепке барамыз.
Маруа: Мектепке енді барамыз,
Үлгілі оқушы боламыз.
Жақсы оқып сабақты
Кілең бестік аламыз.
Бақашар: Мектепке мен барамын.
Кілең бестік аламын.
Ата – анамды қуантам,
Үлкен азамат боламын.
Қазына: Мен қайырымды баламын.
Тек жақсылық ойламын.
Кішілерге қамқормын,
Біріншіге дайынмын.
Асанали: Тәрбие берген ұямыз
Тәртіпті бала боламыз
Қоштасып даярлық топпенен
Біріншіге барамыз
Толғанай: Оқимыз білім аламыз
Үлкен қадам жасаймыз
Мектепке оқуға барамыз
Кілең бестік аламыз
Дымбілместың келуі (музыка)№2
Дымбілмес: -Ой балалар неге отырсыңдар кеттік ?! Далаға ойынауға шығайық!
Балалар: -Жоқ біз мектепке баратын балалармыз.
Дымбілмес: -Мектеп…. Мектепте не үйренесіңдер?
Балалар: -Сандарды жазуды, әріптерді айтуды т.б. үйренеміз.
Дымбілмес: -Мені де өздеріңнің қатарларыңа қосасыңдар ма?
Балалар:- Иә , біздің қатарымызға қосыл.
Жүргізуші: — Балалар олай болса әріппен таныстырсақ қалай болады?
Балалар: — Иә, әріптерді қайталаймыз.
Слайд: №1. Әріптер (А,Т,Ә, К)
Шығармашылық жұмыс: әріп жасаймыз ермексаздан. (жасаған әріптері бойынша қысқаша түсінік айту)
Дымбілмес: балалар қандай әріп жасадыңдар? Ол қандай дыбыс?
Балалардың орындауында «Әліппе» әні№3
Жүршізуші: Балалар енді математикалық тапсырмаларды орындасақ қалай болады? Дымбілместі пішіндермен таныстырайық.
Слайд: №2. пішіндер
Шығармашылық жұмыс: пішіндер бояу
Балалардың орындауында «Пішіндер»әні №4
Дымбілмес:- (қуанады) рақмет балалар мен әріптерді сандарды біліп алдым.
ІІІ бөлім «Балалық шаққа саяхат!». слайд
Олай болса біздің балаларымыздың балалық шағынан қазіргі уақыт аралығындағы фото-слайдқа назар аударыңыздар.
ІV бөлім. «Ата-ана және мен» сайысы
(қоржын ішінде сұрақтар берілген)
- Балаңызға әрқашан тірексіз бе?
- Сабақ оқып, есепке жүйріксіз бе?
- Тамағын уақытылы бересіз бе?
- Төзімділікке әр уақытта төзесіз бе?
- Сериал көріп жатасыз ба?
- Ұрып, нұқып үйретуге барасыз ба?
- Оқыту мұғалімнің жұмысы деген кері тартпа сөзді айтасыз ба?
- Сен оқыт, мен оқып шаршадым деп ұрысуға дайынсыз ба?
- Бала үшін балаларды ұрасыз ба?
- Бала үшін асулардан асасыз ба?
Балалардың орындауында ән «Әке, ана» №5
Жүргүзуші: Құрметті балалар сендерді енді даярлықпен қоштасып 1-ші сынып оқушысы боласыңдар,сендер тәртіпті,жақсы оқушы болу үшін маған қандай уәде бере аласыңдар?
Ендеше балалар, ойын ойнайық! Ойынның аты «Иә, жоқ» деп аталады.
- Мектепке біз барамыз ба?
- Кілең бестік аламыз ба?
- Айтқан тілді аламыз ба?
- Ақылды бала боламыз ба?
- Нан жеймін деп жылаймыз ба?
- Таңертен ерте тұрамыз ба?
- Сабақта отырып ұйықтаймыз ба?
- Ойыншықтармен ойнаймыз ба?
- Екі алғанда жылаймыз ба?
Жүргүзуші: Құшағында жарқалдап
Өтті сәби күндерім
Мектепке барам мен енді
Даярлық топ қош енді
1)Батаңды бер Ата-ана
Елдің атын жазамыз,
Жердің атын жазамыз.
Туған тілге тазамыз
Біз 1-ші сыныпқа барамыз
Батаңды бер Ата-ана (үлкен кісіден бата сұрау)
Билейді біздің балақан
Қол соғайық алақай
Вальс биін тамсана
Тамашалап алайық!
Вальс №6
Ата-аналарына ашық хат беруі
Міне құрметті Ата-аналар,ұстаздар,қонақтар!Біздің бүлдіршіндеріміздің білімдерімен,өнерлерімен таныстыңыздар,сіздерге рахмет айта отырып,біздің бүлдіршіндерімізге өз тілектеріңіз болса білдіріңіздер!
Құттықтау сөздер алғыс хаттар тапсыру.
Жаксылыкова Тогжан Нуржановна
Солтүстік Қазақстан облысы, Мағжан Жұмабаев ауданы, Сартомар мектебі
Оқи отырыңыз!
