Үштаңбалы санға жазбаша көбейту және бөлу тәсілдері (сабақ жоспары)

02.12.2020

1136

Сабақтың мақсаты:
1. Коррекциялық-білімділігі: үштаңбалы сандарды көбейту және бөлу тақырыптары бойынша алған білімдерін пысықтау.

2. Коррекциялық-дамытушылығы: есеп шығару және есептеу дағдыларын жетілдіру; ойлау, есте сақтау қабілеттерін дамыту.

3. Коррекциялық-тәрбиелігі: ұйымшылдыққа, мұқияттылыққа тәрбиелеу; өз беттерімен жұмысқа баулу.

Көрнекілігі: компьютер, интерактивті тақта, слайд, дидактикалық материалдар.

Сабақтың түрі:саяхат-сабақ

Сабақтың әдісі: сұрақ-жауап, түсіндіру

Пәнаралық байланыс: дүниетану

Сабақтың барысы:
І. Ұйымдастыру бөлімі.
ІІ. Психологиялық дайындық
ІІІ. Тірек білімдерін жетілдіру:

— Балалар, бүгінгі сабағымыз ерекше болмақ.
— Бүгін біз «Білім теңізіне» саяхат жасаймыз.(1слайд)
— Теңізге саяхатқа немен шығамыз?
— Кемемен шығамыз.
— Теңіздегі саяхатымыз сәтті болу үшін, сендер сабақта мұқият тыңдаңдар және жақсы анық сөйлеңдер.

— Сонымен қатар, тапсырмаларды дұрыс орындап, ұйымшыл болыңдар.
— Бүгін біздер Мысалдар аралына, Өрнектер, Есептер мен Теңдеулер аралдарына барамыз. (2слайд)
— Балалар, қараңыздаршы теңізде дауыл соғып, күнді бұлт басып қалыпты.
— Мұндай ауа райында саяхатқа шығу қауіпті. (3слайд)
— Қане, күнді бұлттан ашуға көмектесейік.
— Ол үшін бұлттағы тапсырмаларды орындайық. (ауызша есептеулер)
— Жарайсыңдар! Тапсырманы орындадыңдар.
— Күн жарқырап теңіз беті тынышталды. Саяхатқа шығуымызға болады.

ІV. Өткен сабақты пысықтау.
— Алдымен саяхатқа шықпас бұрын өткен сабақты есімізге түсіріп, қайталап алайық.
Үштаңбалы санға жазбаша көбейту және бөлу тәсілдері.

V. Жаңа сабақ.
1. Мысалдар аралы. (4 слайд)
— Біздің кемеміз Мысалдар аралының жағасына келді. — Бұл аралдағы тапсырма.

1-тапсырма: Математикалық диктант.
1. 450-ді 5 есе кеміт
2. 7 шығу үшін 56-ны нешеге бөлу керек
3. Бөлінгіш – 360. Бөлінді – 4. Бөлгіш нешеге тең.
4. 6-ны 7 есе арттыр.
5. 60 пен 30 сандарының қосындысын 2 есе арттыр.

№1
2574*212 4488/26
3671*235 281820/385
4206*214 20834/22

VІ. Көзге арналған жаттығу. (5слайд)

2. Есептер аралы. (6 слайд)

№2. Есеп шығару.
Ақауы бар су шүмегінен ең аз тамшылағанның өзінде бір тәулік ішінде 150 л ауызсу жоғалады. 672 сағ ішінде неше литр су пайдаланылмай, ысырап болады?

VІІ. Сергіту сәті. (7слайд)
3. Өрнектер аралы. (8 слайд)
№3 Кесте бойынша өрнектер құрастырып, мәнін табу. 4. Теңдеулер аралы. (9 слайд)
№4 Теңдеу шешу.
(3850 + 1892) ׃ х = 638 786 · х = 83201 + 22909

VІІІ. Сабақты қорытындылау. (10 слайд)
— Біздің саяхатымыз да аяқталып қалды. Сабаққа ұйымшылдықпен қатысуларыңыздың
арқасында өз жерімізге қайта оралдық.
— Ал, егер сабақта риза болып, әрі бұданда жақсы қатысар едім десеңдер көк түсті балықты;
— Егер сабақта тапсырмалар қиын болған болса, қызыл түсті балықты көтеріңдер. (11слайд)

ІХ. Оқушыларды бағалау.
— Балалар, бүгін сабаққа барлығыңда жақсы қатыстыңдар,берілген тапсырмаларды дұрыс орындадыңдар.

Х. Үйге тапсырма.№5, 65 бет

Дереккөз: «Ұстаз» ғылыми әдістемелік журналы

Басқа материалдар: