Белді таянба. Жақын адамы қайтыс болған әйел ғана жоқтау айтып жылағанда белін таянатындықтан, жамандық шақырма деген мағынада тыйым салынған.
Тізені құшақтама. Тізені құшақтау — «ұрпақсыз қалдым» дегенді білдіретін жаман ырым.
Жақты таянба — Қайғы-қасіреттен әбден шаршаған адам ғана жағын демеу етіп таянады. Сондықтан да жақты таянуды жамандыққа жорыған.
Кірдің суын баспа. кірдің суында жын-шайтандар жүреді, оны басса, жын-шайтандар кесірін тигзуі мүмкін дегеннен шыққан.
Дәретханаға кіргенде сөйлеме. Дәретхана жын-шайтандардың жүретін жер болғандықтан, онда кіргенде сөйлеуге, күлуге, ыңылдап әндетуге тыйым салынған. Дәретханаға сол аяқпен кіріп, оң аяқпен шығу керек.
Пайдаланылған әдебиет:
«Сен білесің бе?» энциклопедиясы. Құрастырған: Райымбеков Қ.Ж, Байғабылова Қ.Т
Ырым-тыйымдар туралы басқа да ақпарат:
- Қазақ халқының ырымдары. Ақсарбас, көз тию, тізе бүгу туралы
-
Ырым мен тыйымдар туралы. Ұшықтау, үшкіру, айдар қою тағы басқа
