Сабақтың мақсаты:
— 6.4.1.2 Көшпелілердің дәстүрлі шаруашылығының ерекшеліктерін анықтау.
Зерттеу сұрағы:
Ұлы Дала аймағында неліктен көшпелі малшаруашылығы шаруашылықтың негізгі және басты түрі болды?
Оқулық:
Көшпелілердің дәстүрлі шаруашылығының ерекшеліктері. 49-51 беттер.
Ресурстар:
1. Қазақстан тарихы. Көне заманнан бүгінге дейін. 5 томдық. — 2 том. —
Алматы: Атамұра, 2010.
2. История Казахстана с древнейших времен до наших дней (Очерк)
Алматы, 1993.
3. Қазақстан (Қазақ елі) тарихы. 1 кітап. Алматы, 2016.
Тірек сөздер:
— Көшпелі және жартылай көшпелі малшаруашылығы
— Жылқы мен қой өсіру
— Ірі қара өсіру
— Отырықшылық мәдениеті
Көрнекілік:
Оқулықтың 51-52, 53 беттеріндегі түркілердің теріден жасалған киім үлгілері мен ат-әбзелдерінің суреті. 53-54 беттердегі ежелгі түркілердің ою-өрнектері және үй бұйымдары. Кітаптар. Суреттер. Интерактивті тақта. Бағалау парағы.
Мақсатты айқындау:
Ұлы Дала халықтары өміріндегі малшаруашылығының орнын, ерекшеліктерін айқындау. Сонымен бірге түркі тайпаларының дәстүрлі малшаруашылығымен қатар сауда және егіншілікпен неліктен белсенді түрде айналысқандарын білу.
Дамытушылық маңызы — Ұлы Дала аймағындағы көшпелілердің дәстүрлі
шаруашылығының бүгінгі қазақ халқының малшаруашылығын дамыту ерекшеліктерімен тарихи сабақтастығын айқындау.
Тәрбиелiк маңызы — оқушылардың санасында ежелгі түркілердің дәстүрлі
малшаруашылығына және оның өзіндік ерекшеліктеріне деген құрмет сезімін
ояту. Қазақстанның малшаруашылығы өркендеген ел болып табылатынын мақтаныш етуге тәрбиелеу.
Сабақтың деректік материалдары:
Қытай жылнамалары, Араб және парсы саяхатшыларының жазбалары. Петроглиф суреттердегі түркілердің малшаруашылығымен айналысуын бейнелейтін суреттер.
Сабақтың барысы:
Оқытушы балаларды мынандай кестені толтыруға жұмылдырады.
| Ұлы Дала халықтарының негізгі кәсібі және оның ерекшеліктері | Дәстүрлі мал шаруашылығының Ұлы Дала халықтары өміріндегі маңызы | Түркі тайпаларының сауда мен егіншілікпен айналысу ерекшеліктері |
Сабақтың түрі мен әдісі:
Аралас. Баяндау, пiкiр алмасу, ой бөлiсу, сын тұрғысынан ойлау, ақпараттық
технологияны қолдану, оқушының шығармашылық қабiлетiн дамыту.
Сабаққа қатысты ескертпелер:
Оқытушы бүгінгі Қазақстандағы малшаруашылығын дамыту бағытының ежелден қазақтар үшін ата кәсіп болып табылатынын сабақтың өн бойында басшылыққа алуы керек.
Бағалау мүмкіндіктері:
Мұғалiмнiң алдын ала даярлап әкелген жоспары оқушылар жұмысын ұйымдастыруға негiз болады. Рефлексия. Кері байланыс. Де Бононың 6 қалпағы арқылы қорытындылау.
Қосымша тапсырма:
1. Оқулықтағы сұрақтар мен тапсырмаларды орындау.
2. Берiлген жоспарды басшылыққа ала отырып, оқушылардың жұмыс
дәптерлерiне әрбiр сұрақтың нақты мазмұнын ашатын қысқаша тезистер
жазғызу.
Бағалауда БББ кестесін стикер тарту арқылы жазғызу.
Дереккөз: Қазақстан тарихы (Орта ғасырлар): Әдістемелік нұсқау. Жалпы білім беретін мектептің 6-сынып мұғалімдеріне арналған құрал. Т. Омарбеков, Г. Хабижанова, Т. Қартаева, М. Ноғайбаева.
Басқа материалдар:
- Түрiк қағанаты (552—603 жж.) тақырыбы бойынша сабақ жоспары
- Орта ғасырлардағы Қазақстан тарихына жалпы шолу (сабақ жоспары)
- Қазақ тілі пәні бойынша бөлімді қорытындылауға арналған тест тапсырмалары
- Ұлы далада қарлұқтар билігінің орнауы (756-942 жж.)
