Өз-өзіңді қалай сүю керек? Кешіре білу мен өзіңді қабылдау қабілеті — өзіңе деген махаббатқа да жол ашады. Оны тап қазірден бастау керек.
Көбі өзін құрметтей алмайды. Өйткені кемшіліктері көп деп санайды. Кемшіліктер мен қателіктері өзін қабылдауға кедергі болады. Сол қалпында, сол күйінде өзін сүюге жол бермейді.
Бір қызық айтайын: кемшілік деген бәрінде бар. Идеальный адам жоқ. Әркімнің өз қателігі, минустары бар. Кейбір адамдар кемшілігін білдіртпейді. Сондықтан олар керемет сияқты көрінуі мүмкін. Қасыңыздағы онша танымайтын адам сізді «керемет» деп ойлайды.
Өз-өзіңізді сүюдің 7 жолы:
1. Айыптаудан бас тарту.
Кез келген айыпты іс жасап қойсаңыз, «Ешнәрсе етпейді» деңіз. Сабырлы болыңыз. Сол кезде дұрыс жасалмаған істі өзгерту мен дұрыстау оңай. «Барлығы жаман» деп, паника болсаңыз, қиындық көбейе береді.
2. Өз-өзіңізді қорқыта беруді доғару.
Негатив ойлармен өзімізді қорқыта бастайсыз. Сөйтіп, жағдай нашарлай береді. Түймедейді түйедей ете бермеген жөн. Жаман десеңіз, негативті тартасыз. Келуін тездетесіз.
Сырқаттанып қалсаңыз, өлетіндей болу;
Жұмыста сөз ести қалсаңыз, қызметтен қуылатындай көріну;
Пробныйдан төмен алып жүрсеңіз, нағыз ҰБТ-да қадалғандай сезіну т.с.с бұлардың бәрі санаңызды жігерсіздендіретін ойлар. Санаңызға жаман ойлар келе берсе, көңіліңізді басқа нәрсеге аударыңыз. Позитивті ойлаңыз.
3. Мейірімді болу.
Өзіңізге жұмсақ болыңыз. Қателіктер мен сәтсіздіктер үшін өзіңізді жазғырмаңыз. Сәтсіздік — тәжірибе. Осыны естен шығармаңыз.
4. Өз-өзін мақтау.
Әр жеңісіңіз үшін өзіңізді мақтауды ұмытпаңыз. Тіпті кіп-кішкентай жетістік болса да. Сын — ішкі сенім мен көңіл-күйді тас талқан етсе, мақтау — қалыптастырады.
5. Достар табу.
Қолдау көрсете алатын адамдармен достасыңыз. Олардан жәрдем сұраудан арланбаңыз. Қиын кезеңде жəрдем сұрау осалдық емес . Тек өзіне ғана сеніп, өзіне ғана сүйене бермеген жөн. Жалғыз өрмелеп, осалдығыңыз үшін ызаланғаннан , жəрдем сұраған дұрыс. Жаныңызды түсінетін, проблеманың шешімін білетін достарға жүгінген дұрыс.
6. Тәнге қамқорлық жасау.
Денеңіз бен келбетіңізге күтім жасаңыз. Зиянды нәрселерге жоламаңыз. Алланың берген аманатына қиянат жасамаңыз. Артық салмақ, денсаулыққа қауіпті ішімдік пен есірткі, темекі — бәрі қиянат.
7. Өзіңізді марапаттау. Сыйлық жасау.
Бір жұмысты соңына жеткіздіңіз бе? Өзіңді марапаттаңыз. Тәтті сыйлаңыз немесе қалаға қыдырыңыз. Сонда мотивация әрдайым жоғары боп тұрады. Ми жалқаулықты жеңеді. Келесіде миға тапсырма бергенде, мотивациясы есіне түсіп, сол тапсырманы соңына жеткізу қиын болмайды.
Ұқсас материалдар:
- Киносы Оскар жеңіп алған 8 кітап
- Өмірді өзгертетін ТОП-5 кітап
- Өз өзіңізге деген сенімділікті арттырыңыз…
- Мұғалімдерге арналған 3 таптырмас сайт
- Ұстаздар қалай қосымша табыс таба алады?
- Ұстаздарға арналған тренинг: «Педагогтардың кәсіби жануы»
- «Көтеріңкі көңіл-күй-жанға қуат береді» сергіту тренингі
- «Сәттілік серік болсын» атты әлеуметтік-психологиялық тренинг бағдарламасы
- 11 сынып оқушыларына арналған тренинг- сабақ
- Жас маманға 8 кеңес
- ҰБТ тапсырушыларға Шиара Құдайбергеновадан кеңес
- Интернет-маркетологтың қызметі қандай?
- Data Scientist — деректер ғалымының қызметі қандай?
- Web-дизайнер деген кім?
- Кофе-киоск кәсібін бастау үшін…
