Биотехнолог деген кім?

03.03.2021

3913

Таңдау пәндері: биология + химия

Оқу ұзақтығы: 4 жыл

Орташа еңбекақысы: 200-400 000 теңге — жоғары дәрежелі мамандар, 100-170 000 тг — жұмыс істеу стажы төмен мамандар

Биотехнологтың жұмысын бір-екі сөзбен айтып түсіндіру мүмкін емес. Себебі бұл мамандық медицинаны да, фармацевтиканы да, гендік инженерияны да қамтиды. Әрине, осындай фактілерге байланысты биотехнолог маманның құзыреттілігі жоғары.

Маман тамақ өнімдерін өңдеу, биологиялық активті қоспалардың, ферменттердің, антибиотиктердің биотехнологиясы тұрғысында білім алады.

Биотехнолог — микробиолог, химик, тамақ өнімдері технологы мамандықтарының қосындысы ретінде қарастыруға болады. Бұл мамандықты бітіргендер косметикалық-парфюмериялық, фармацевтикалық, тамақ өнімдерін өңдейтін кәсіпорындарда жұмыс жасай алады.

Биотехнологтарға вакансия көп бола бермейді. Себебі бұл сфера Қазақстан аумағына алғаш 21 ғасырдың басында ене бастады. Әлі де даму үстінде. Биотехнология мамандығын бітірген маман бірден әлеуетті кәсіпорындарда жұмыс жасауы бірталай, алдымен лаборант, технолог болып жұмыс жасап, стаж жиналған соң ғана барып перспектива ашылады.

Шетелде бұл мамандыққа оқып келген маманға сұраныс өте жоғары! Ағылшын тілі білімі қатты бағаланады.

Биотехнология мамандығын бітіргендер кім болып жұмыс жасай алады:

— Биотехнолог
— Лаборант
— Биолог
— Микробиолог
— Химик
— Технолог
— Тамақ өнімдері лабораториясының жетекшісі
— Фильтрация цехының операторы

Оқу орындары:

Әл-Фараби атындағы қазақ ұлттық университеті