«Instagram» арқылы бизнесті қалай дамытуға болады?

0
1848
Иллюстрация: Freepik.com

Сіз жиырма төрт сағаттың қанша уақытында әлеуметтік желіде отыратыныңызды ойланып көрдіңіз бе?

Статистикаға сүйенсек бір күніміздің кем дегенде төрт сағаты осы әлеуметтік желіге кетеді екен. Өзім де тап осы әлеуметтік желіні дұрыс пайдалану негізінде қосымша табыс тауып отырғанымды көпшіліктен жасырмаймын. Алдыңғы бөлімде бизнестің түрлі жолдарын, алғышарттарын бағамдадық.

Алайда ол кәсіптер де менікі емес десеңіз, онда сізге «Instagram» арқылы да бизнесті қалай дамытуға болатынын айта кетейін.

«Алғашқы миллионды қалай табамын?»… Иә, бұл сұрақ сізді талай ойландырған болар. Ай сайын алған жалақыңыз жиналмай, тіпті өзіңізден аспай қалып та жатқан шығар. Әйтсе де, бүгінгі таңда 1 000 000 теңге табыс табу таңқаларлық жайт емес. Ол
үшін сіздің тараптан білім мен ізденіс, ал ең бастысы – еңбек керек.

Мысалы күніне қанша рет лүпіл басып, өзге жанның өмірін қызықтайсыз? Cіздің сол ақпарат ағымында кеткен уақытыңызда басқа жандар дәл осы инстаграм арқылы қыруар ақша тауып отырғанын білесіз бе? Олай болса, өз суретіңізді
жүктеп, танымайтын жанның өмірін қызықтағанша инстаграмды бизнеске айналдырар уақыт келген сияқты.

Мен үшін де инстаграм әуел бастан жай ермек еді. Алғашқыда студент кездің қызықты сәттерімен бөлісіп отыратынмын. Кейін ҚазҰУ-да оқытушы болған кездегі тәжірибемді жаздым. Оқытушылықпен қатар «телевидение» саласында журналист болып қызмет
ете бастағанда өзімнің парақшамда қоғамда болып жатқан әр жайтпен бөлісіп тұруға тырыстым. Сондайақ, инстаграмның мүмкіндіктерін біле бастағаннан кейін бірнеше парақшаның админі де болдым.

Басында жай қызығушылық болса, уақыт өте келе инстаграм арқылы табыс табуға болатынын түсіндім. Бірнеше парақшаны нөлден бастап, оқырман санын
көбейткен уақытта, парақшаны сатып алуға сұраған жандар да табылды. Телеарнада журналист болып жұмыс істеген уақытта бірнеше танымал әншілерге,
ж у р н а л и с т е р г е парақша ашуға көмектесіп, оны тиімді жүргізуге
өзімнің жеке т ә ж і р и б е м н е н к е ң е с т е р м е н бөлісіп отырдым. Танымал тұлғалардың, көптеген бағдарламалардың жеке инстаграм парақшаларын жүргізгеннен кейін, «админ-көмекші» статусынан өтіп, өз парақшаммен айналысу керектігін түсіндім.

Себебі, ол жандардың көлеңкесінде жүріп қызмет атқарғанмен өзімнің бойымдағы халыққа керек ақпараттардың барлығын бере алмадым. Ал жеке парақшамда мен тәуелсіз, халықққа нақты керек ақпаратпен бөлісе аламын. Аккаунтымдағы
оқырмандар қатары басында таныстарым, достарым, айналамда жүрген жақын жандар болғанымен, уақыт өте келе көбейе түсті.

Десе де, ол уақытта аудитория саны 25 мың еді. Ойланып қарасам, 25 мың адам
деген де аз оқырман емес. Өзіндік жауапкершілікті жүктейтін, өз ісіңе, жазғаныңа есеп беретін сәт. Ал қазіргі Дәулет өмірде біраз жайттарды көрген және сол тәжірибемен көптеген оқырмандармен бөлісіп отыр.

Ол дегеніміз – қазір менің оқырмандарымның саны 400 мыңнан асты. Жауапкершілік бағанағы айтқан 25 мыңнан әлдеқайда жоғары. Оның барлығы да
қаншама жыл менің өзімнің басымнан өткен жайттар, өмірден көргенім мен түйгенімді жазып отырғаннан басталды. Өз пәтеріме қол жеткізуге деген студенттік
арманымнан пайда болды. Уақыт өте келе көп жастардың жалдамалы пәтерде тұрып, ақшамызды, уақытымызды тиімді пайдаланбайтынымызды түсіндім. Қаншама болған оқиға, өз басымнан өткеннен кейін ғана мен халыққа баспанаға бағыт
бере бастадым.

Яғни өзімнің бағытымды, нишамды тапқаннан кейін ақпаратты толық қамтығаннан кейін тәжірибе жүзінде халықтың экономикалық тұрғыда сауатты болғанын қаладым. Мемлекет тарапынан тұрғын үй мәселелері бойынша көптеген
бағдарламалар жасалғанымен, оның тиімді және кемшіл тұстары халыққа түсініксіз болып жатады. Осы орайда, халықтың әр бағдарламаны қалай сауатты таңдап, баспаналы болуға әрекет жасап, қаржылық сауаттылығын арттыру – мен үшін басты талап.

Жеке парақшамда өзіндік брендімді қалыптастыру, баспанаға бақытпен қатар, қосымша пайдалы жобалар ұсыну, қоғамдағы болып жатқан жайттарға
өзімнің жеке пікірімді білдіру, оқырмандарымның арқасында бірнеше ауқымды қайырымды іспен айналысу – әрекет етіп, өз ортамызды өзіміз
жақсартуға бағытталған игі істердің бірқатары.

Ал мені сіздермен жақынырақ таныстырған дәл осы «Instagram» әлеуметтік желісі. Жаңа мүмкіндіктерді жаңа бастамаларға тиімді пайдалануға  әбден болады.
Тек сіздің тараптан ынта мен қажырлы еңбек керек. Таныстарымның бірқатары үйде отырып сөмке тігіп, әшекей бұйым жасап, түрлі дизайнерлік киімдерді
сатумен айналысып жатса, енді бірі бет әрлеуші болып, SMM курстарын жүргізіп, қызметін ұсынып, өз кәсібін дөңгелетіп отыр. Ал сол бизнестің алға басуына
дәл осы инстаграмның ықпалы көп.

Мен солардың бір қатарымен осы бөлімде бөлісетін боламын. Ең бастысы – өзіңіздің бизнесіңізге сай «бизнес парақша» ашып, оны сауатты жүргізу керек. Егер
сіз бизнесіңізді алға жылжытып, табысқа кенелгіңіз келсе, онда контенттің сапасына ден қойғаныңыз абзал.

Себебі парақшаның қызықты, керек ақпаратқа толы, мәтіндері әсерлі болуы оқырмандар санын көбейте түседі. Сәйкесінше, сіздің тауарыңызға деген
сұраныс та артады. Ал көркемдік жағына келетін болсақ, видеолар қызықты, фотолар қанық және тартымды болғаны дұрыс. Ескеретін жайттардың бірі – оқырмандарды қолдан көбейтіп әуре болмаңыз.

Себебі белсенділік азайып, кері байланыс болмайды Бастысы сан емес, сапа екенін ұмытпағаныңыз жөн. Қазір инстаграм арқылы кез келген қызмет түрін,
тауарды оп-оңай сатуға болады. Тек оны халыққа дұрыс ұсына білу керек. «Инстаграм арқылы не сатамын?» деп ойланып көрдіңіз бе? Кез келген қызмет түрі, (психологтар, дизайнерлер, сұлулық салондары, заңгерлер) тауарлар (тағам, киім мен аяқ-киім, гүлдер, жиһаз, әшекей бұйымдар) тіпті өзіңіздің хоббиіңізді де кәсіпке айналдыруға болады.

Егер сіз жиһаз сататын болсаңыз, онда парақшада сапалы суреттер басым
болуы керек. Ал егер заңгер немесе психолог болып, мәтінге аса назар аударып, өмірлік тәжірибемен бөлісетін болсаңыз, сапалы, тегін ақпаратқа
оқырмандар да жазыла түседі. Инстаграмдағы белсенділігіңіз бен кәсіпкерлік қабілеттеріңіздің арқасында алға қойған мақсатыңызға жетіп, өзіңіз
қалаған пайданы да табуға болады. Бизнесіңіздің бағытын нақтылап алсаңыз, «бизнес-профильдің» мүмкіндіктеріне кеңірек тоқталайық.

Дереккөз: «Бизнеске бағыт» кітабы,
Дәулет Төлеутайұлы,2021

Басқа материалдар:

  1. «Шаштараз» бизнесін қалай бастауға болады?
  2. Фотостудия кәсібін қалай дамытуға болады?
  3. ҰБТ тапсырушы түлектерге ақыл-кеңес
  4. Мектеп оқушыларына 6 кеңес
  5. ҰБТ тапсырушыларға Шиара Құдайбергеновадан кеңес
  6. Интернет-маркетологтың қызметі қандай?
  7. SMM маманы деген кім?
  8. Data Scientist — деректер ғалымының қызметі қандай?
  9. Web-дизайнер деген кім?
  10. Кофе-киоск кәсібін бастау үшін…


ПІКІР ҚАЛДЫРУ