Түйе — шудасын,
Жылқы жалын,
Сиыр мүйізін төсейді.
***
Түйе байлық, жылқы мырзалық.
Түйені жел шайқаса,
Ешкіні көктен табарсың.
***
Түйе көп болса, жүк симас.
***
Құданың түйесін сұра, қорыққанынан биесін берер.
***
Мал өсірсең түйе өсір, пайдасы оның көл — көсір.
***
Жылқы – малдың патшасы, түйе – малдың қасқасы.
***
Аттың атағы, түйенің табаны үлкен.
***
Түйе қашып, жүктен кете алмас.
***
Түйе өлген жерде жүк қалады.
***
Арамнан алған түйеден,
Адалдан алған ешкі жақсы.
***
Досыңнан түйе сұрасаң,
Ұялғанынан бие берер.
***
Төркін десе қыз төзбейді,
Көкпек десе түйе төзбейді.
***
Жебір түйе жабуын жер.
***
Түйенің танығаны жапырақ.
***
Әр түйенің өз шешуі бар.
Барақыш та балтырдан алады.
***
Барақыш – иттің аты.
***
Атан — түйе ойнаса жұт болады.
***
Ат — биеден, аруана — түйеден.
***
Түйе мінген адам үш бүктеле алмайды.
***
Түйенің бурасы жақсы,
Сөздің турасы жақсы.
***
Түйе даулап — лақ ал, лақ ал да — тына қал.
***
Қажы өлсе, түйеден жүк кемиді.
***
Түйені көпір астына жасыра алмайсың.
***
Бота беріп, түйе қалады.
***
Түйе қараған мылжың,
Қатыны өлген мылжың.
***
Түйе жүкті тарта алмаса да,
Түңіліп бақыруын қоймайды.
***
Түйенің қай жабасына жатқанын қара.
***
Түйені көпірдің астына жасырып қоя алмайсың.
***
Түйе тұрғанша, күрмеп қал.
***
Мықты болсаң түйенің мойнынан ұсташы.
***
«Мойның неге қисық?» десе түйеге:
«Түзу нәрсе пешенеме тие ме?» депті.
***
Түйеге «Ойна!» десең,
Дүниенің ойранын шығарады.
***
Түйе мінген қой арасына жасырына алмайды.
***
Түйенің өзі үлкен болса да,
Құмалағы үлкен емес.
***
Жылан өз иірлігін білмейді,
Түйенің мойнын күндейді.
***
Барлық жүкті көтерген түйе,
Бақырды да көтеруге күші жетеді.
***
Алтын табылса, түйерге түйіншек табылмас.
***
Аңдамаған түйені де көрмейді.
***
Кішкене түйенің жүгі де мардымсыз.
***
Есегінде тұсау жоқ,
Түйесіне қом жасамақ.
Басқа материал:
- Қасқыр, бөрі туралы мақал-мәтел
- Батырлық пен қорқақтық туралы мақал-мәтелдер
- Мың бір мақал, жүз бір жұмбақ (Бастауыш сынып арасындағы сайыс)
- Интернет-маркетологтың қызметі қандай?
- SMM маманы деген кім?
- Data Scientist — деректер ғалымының қызметі қандай?
- Web-дизайнер деген кім?
- Таргетологтың қызметі қандай?
- Ынтымақ, бірлік туралы мақал-мәтелдер
- Отан, туған жер туралы мақал-мәтелдер
- Киім туралы мақал-мәтелдер
