1. Ұйқы режимін сақтаңыз. Күн сайын бір уақытта ұйықтап, бір уақытта ояныңыз. Демалыс күні көп ұйықтасаңыз да, ол аптаның ішіндегі жоғалтқан ұйқы уақытының орнын толтыра алмайды. Керісінше, дүйсенбі күні таңертең ояну қиынға соғады. Біз көбіне оянатын уақытқа оятқыш қоямыз. Ал ұйықтайтын уақытқа ше?
⠀
2. Спортпен айналысқанда ұйықтардан 2-3 сағат бұрын бітіру керек.
⠀
3. Кофейн мен никотиннен аулақ болыңыз. Түстен кейін ішкен кофенің әсері 8 сағатқа дейін сақталады. Темекі шегетіндер никотинге тәуелділіктен таңда ерте оянады.
⠀
4. Ұйқы алдында алкоголь ішпеу керек.
⠀
5. Ұйқы алдында көп тамақ жемеу қажет. Көп су ішуге де болмайды.
⠀
6. Дәріні ұйықтар алдында ішпеу керек. Мүмкін болса, дәрігермен ақылдасып, күндіз ішуге ауыстыру қажет.
⠀
7. Түскі 15:00-ден кейін бір мызғып алуға жатпаңыз. Себебі ұйқыңыз қанғанмен, түнде ұйықтай алмай қаласыз.
⠀
8. Ұйықтар алдында босаңсыңыз. Демалып алыңыз. Жеңіл кітап оқыңыз немесе тыныштандыратын музыка тыңдаңыз.
⠀
9. Ұйықтар алдында ыстық суға түсіп алыңыз.
⠀
10. Жатын бөлмені қараңғылап, салқындатып, гаджеттерден тазалау қажет. Шу, жарық, жайсыз төсек, ыстық температура сияқты мәселе болмау керек.
⠀
11. Таңертең бір сағат күннің астында жүріңіз. Ұйықтар алдын жарықты өшіріп алыңыз.
⠀
12. Ұйқыңыз келмесе, төсектен тұрыңыз. Тынышталдыратын бір іспен айналысып, ұйқы келгенде ұйықтаңыз.
⠀
Дереккөз: «Зачем мы спим. Новая наука о сне и сонвидениях» кітабы.
Басқа материалдар:
- Атының өзі қызық 8 кітап
- Кітап таңдағанда ТОП-5 кеңес
- Тәрбиелі бала өсіру үшін ТОП-7 кітап
- SMM маманы деген кім?
- Data Scientist — деректер ғалымының қызметі қандай?
- Web-дизайнер деген кім?
- Таргетологтың қызметі қандай?
- Контекстолог деген кім
- Копирайтер деген қандай мамандық?
- Контекстолог деген кім?
- Оқушы мен студентке арналған ең пайдалы 10 қолданба
- ҰБТ-да төмен нәтиже көрсетудің себебі қандай?
- Мектеп оқушыларына 6 кеңес
- Жетістікке жетелейтін 19 әдет
- Адам миы туралы қызықты 30 мәлімет
