Кептер (көгершін) — адам үшін пайдалы, өте момын құстардың бірі. Көп адам бос уақытында кептер өсірумен шұғылданады.
Кептер барлық елде тіршіліктің , бейбітшіктің, сүйіспеншіліктің белгісіне айналған. Кептер — адамның өте ертеден қолға үйреткен құсының бірі. Ертедегі теңіз саяхатшылары көгершіндерді бір елден екінші елге апарып, олардың кеңіректаралуына себепші болған.
Олардың адам өміріндегі тигізетін пайдасы көп-ақ. байланыс кептері, етті кептер, спорттық және сәндік үшін өсірілетін кептерлер болып бөлінеді. Кептерле үй шатырына ұя салады. Оның ұрғашысы 1-2 жұмыртқа салып, еркегімен кезектесіп басады. Бейбітшіліктің құсы — кептерді қорғау керек.
Қараторғай. Ол — өте тамаша әнші құс. Әр жылы көктемде қанатты достарымыз — қара торғайларды ұя жасап қарсы алу дәстүрге айналған.
Қараторғай Қазақстанның көп жерлерінде кездеседі. Ол жыл құстарының қатарына жатады. Суық түсе бастаған кезде-ақ оңтүстік аймаққа ұшып кетеді де, көктемде туған еліне бірінші болып қайтып оралады. Алғашқы келген кезде көпшілік уақытын далада, өзен аңғарларынлда, бау-бақшаларда жүріп, күні бойы өздеріне қорек іздейді.
Сәуірдің басында ұя салатын жерді ыңғайластырады. Бау-бақша ішіндегі ескі ағаштардың қуысын, өздеріне арнайы жасалынған ұяларды меншіктейді. Көп кешікпей ақшыл көк 5-6 жұмыртқа туып, басып шығарады. Балапандары өте қомағай келеді.
Ата-енесі оларға таңертеңнен қараңғы түскенге дейін дамылсыз тамақ тасиды. Ол балапандарын қоңыз немесе оның дернәсілдері, жалаңаш шышыр сияқты жәндіктермен қоректендіреді. Сонда қараторғайдың бір ғана жанұясы күніне 2 мыңнан артық әртүрлі зиянкестерді құртады екен.
«Сен білесің бе?» энциклопедиясы. Құрастырған: Райымбеков Қ.Ж, Байғабылова Қ.Т
- Қазақстанның өсімдіктер дүниесі. Тораңғы, қырыққұлақ, арша туралы
- Дүңгіршек пен таушешек өсімдігі туралы мәлімет
- Биологиядан тест тапсырмалары жауабымен
-
Жасуша, ұлпа, мүше, мүшелер жүйесі түсініктері. Биология пәнінен сабақ жоспары
