Жастарға ауадай қажет 5 қабілет

10.03.2021

1203

ҰБТ тапсырып, грантқа бір ғажап мамандыққа түстің делік. Ал әлем күн сайын өзгеріп жатыр. Қызыл дипломға бітірген мамандығың ешкімге керек болмай қалса ше? Қазір тек жақсы оқып, стипендия алумен шектелмеу керек. Өмірге қажетті 5 қабілетті назарларыңа ұсынамыз:
⠀
1. Өзіндік тәртіп

Қазір жұмысты сырттай істейтіндер көп. Ірі компаниялар қазір офисте отыратындардан арылып, жұмысты сағатына қарай емес, нәтижесіне қарай төлеуге машықтанып жатыр. Сондықтан өз күніңді дұрыс жоспарлап, берілген тапсырмаларды уақытында үлгеруге бейімделу қажет. Жұмысты бітіруге өзіңді ынталандыру әдісін тапқан жөн.
⠀
2. Бейімділік

Қазір бәрі тез өзгеріп жатыр дедік. ҰБТ да, инстаграм да, электронды ЦОН да. Солардың бәрінен хабардар болып, тез қолдануға бейімделу керек. Жұрттың бәрі смартфонға үңіліп, бірдей ойлайтын зомбилік заманда, ерекше ойлай білетін, мәселенің басқаша қырынан қарай алатын адамдар жақсы бағаланады.
⠀
3. Эмоциялық парасат

Бұл дегеніміз — басқа адамдардың ниетін, сезімін, қалауларын бір қарап-ақ тани білу және өзіңнің қалауларыңды басқара білу. Мұндай адамдар өте сирек, сондықтан бұлардан лидерлер шығады. Мүлдем басқа саладағы адамдармен араласу, олардың таным деңгейін түсіну, оларға әсер ету, қиын сұрақтарға жауап іздеу — бәрі осымен байланысты.
⠀
4. Виртуалды байланыс

Қазір ірі компаниялар әлемнің түкпір-түкпірінен қызметкерлер жалдайды. Олармен қарым-қатынас интернет арқылы орнайды. Мұнда дұрыс сөйлесе білу, сауатты жазу, Skype, Google Docs қызметтерін тиімді пайдалана білу маңызды.
⠀
5. Жан-жақтылық

Иә, қазір тек бір маман иесі болу жеткіліксіз. Мысалы, инженерге биология және медицина саласын білу керек (биоинженер), программистке дизайнды білу керек (верстальщик, веб-дизайнер).

Басқа материалдар: