Әлемдегі ең пайдалы тағамдар

-

25.05.2021

«Форбс» журналы денсаулық айдарымен жарияланатын беттерінде Джонни Боуденнің кітабынан алынған әлемдегі ең пайдалы азықтарды жариялады.

Пияз-сарымсақ: Асқазан, простат, өңеш қатерлі ісігіне (рак) қарсы қорғайды. Жүрек ауруы қаупін 20%-ға азайтады.

Фасоль: Салмақты реттеп, қан құрамындағы шекерді қалыпқа келтіреді. Ішек қатерлі ісігі және жүрек ауруларынан қорғайды.

Балық: Қартаюға қарсы ең жақсы азық. Арқан балығы (лосось), сардина, скрумбия балықтарының құрамындағы Омега-3 миды және жүректі қорғайды. Cіңір тізімін реттеп, қан құрамындағы шекерді қалыпқа келтіреді.

Сүт: Витамин, минерал және пайдалы бактерияларға өте бай. Қатерлі ісікке қарсы күресетін CLA қышқылын да қамтиды.

Жаңғақтар: Аптада 5 рет жеу, ұстамалы жүрек ауруы және жүрек ауруларының қауіпін %30-50 арасында азайтады. Бір күн үшін 25 грамдық, бадам (миндаль), жаңғақ, жержаңғақ, орман жаңғағы жеткілікті.

Қызыл ет: Жайлауда жайылған малдың еті, яғни өңдеуден өтпеген қызыл еттер, омега-3 витаминіне бай болып табылады. Қалыпты мөлшерде қолданылғанда қатерлі ісіктен қорғайды. Ақуыз (протеин) және B12 витаминнің қайнар көзі.

Жұмыртқа: Ең зиянсыз ас. Ақуызға бай бірақ каллориясы төмен. Миды қорғайды және көз саулығын күшейтеді.

Брокколи: Барлық қатерлі ісіктердің қауіпін азайтады. Минерал және витамин қоры өте жоғары. Денені токсиндерден тазалайды. Асқабақ, қырыққабат (капуста) қатерлі ісік қауіпін азайтады.

Алма: Өкпенің қатерлі ісігі, астма және қант диабетіне қарсы пайдалы. Құрамында сүйекті қуаттандыратын K витамині бар.

Анар: Антиоксиданттарға бай. Қан қысымын реттейді, тамырларды қорғайды және ісіктердің үлкеюіне тосқауыл болады.

Көк шәй: Қуықтың, ішектердің, тыныс жолы, ұйқы безінің, тік ішектің және асқазанның қатерлі ісікке шалдығу қауіптерін азайтады. Салмақ реттелуін оңайлатады.

Қаражидек (черника): Қатерлі ісіктен қорғайды, есте сақтау қабілетін жақсартады.

Басқа материалдар:

Табиғи денсаулық эликсирі

Сымбат Айдархан

-

25.05.2021

0

Денсаулық және косметика саласында көптеген өнімдерде қолданылатын, теріге сергектік қалыптастыратын, антиоксидан қоры болып табылатын және холестерин деңгейін түсіретін жүзім дәні соңғы жылдардың «табиғи денсаулық эликсирі» атанды.

Негізгі пайдалары:

· Ас қорыту жүйесін реттейді.

· Өкпе ауруына, қан аздыққа және бас ауруына қарсы пайдасы бар.

· Қышқыл дәмді жүзім шырыны жүрек ауруларына және жараларға пайдасы бар.

· Косметикада крем, шампунь, сабын жасауда қолданылады.

· Антиоксидан ерекшеліктері, С витаминінен 20 есе, Е витаминінен 50 есе үстем.

· Тамырларды қуаттандырады. Гипертония, жүрек ауруы және сал ауруларының алдын алады.

· Қант диабеті және варикоз ауруына шалдыққандарға өте пайдалы.

· Катаракта және компьютердің көзге тигізетін зияндарынан сақтайды.

· Терінің дәнекер ұлпасындағы коллеганды қуаттандырады.

· Артериосклерозбен байланысты көптеген аурулардың алдын алады.

· Ревматизм ауруына пайдасы бар.

· Миға баратын оттегіні арттырады.

· Қатерлі ісік, қант диабеті, ЖИТС , гепатит В және гепатит С вирустарынан денені сақтайды.

· Терідегі әжімдерді азайтып, шашты әдемілейді.

· Таңертең және кешке бір қасық үгітілген қара жүзім сүйектерін балмен, сірнемен, айранмен немесе сумен араластырып ішкен жақсы.

Басқа материалдар:

Коносуке Мацуситаның өмірі мен жетістікке жету жолы

Сымбат Айдархан

-

25.05.2021

0

Panasonic, National және Technics брендтерімен танымал Мацусита Электрик жапон фирмасының негізін қалаушы, аты аңызға айналған Консуке Мацусита өз дәуірінің ең озық кәсіпкері, бизнес-лидері және инноваторы ретінде мысал бола алады.

Коносуке Мацусита мектепті тастап, 9 жасынан жұмыс істеуге мәжбүр болған. Алты жыл бойы ол велосипед шеберханасында көмекші шебер болып жұмыс істеген, кейін Osaka Electric Light Company-ға ауысады.

Коносуке Мацусита компания өнімдерінің кемшіліктерін іздеп, жөндеуге тырысатын.

22 жасында ол жаңа құрылымдағы әдемі штепсель айырын жасап шығарады. Бастығы оның кезекті өнертабысын қабылдамағаннан кейін Коносуке Мацусита компаниядан кетуді ұйғарады.

Ол өзінің бизнесін бастап, инновациялық электропатрондар шығаруды бастайды.

Бизнесті дамытуға бастапқы жарнасы бар-жоғы 100 йенге тең болатын. Мацусита Электрик компаниясының аңызға айналған тарихы 1917 жылы осылай бастау алады.

Кейін Коносуке Мацусита сегіз зауыттың иегері атанады, ал өнімдері Panasonic атты маркамен шыға бастайды.

Өз бизнесін былайша айтқанда нөлден бастаған ол, өмірінің соңына дейін өзін 3 миллиард доллар қаражатпен қамсыздандырады, ал өзі негізін салған Matsushita Electric Industrial Ltd компаниясының қаражаты 42 миллиард долларға жетеді.

Зейнет жасында Коносуке Мацусита ең бай жапон бизнесмені ғана емес, әлемді мойындатқан компания құра алған ең құрметті бизнес-лидер, аңыз адам болды.

Басқа материалдар:

Сарымсақ — ең жақсы антибиотик

Сымбат Айдархан

-

25.05.2021

0

Сарымсақтың құрамындағы элементтің тамақтың улануына қарсы ең жиі қолданылатын екі танымал антибиотиктен 100 есе қуаттырақ екені анықталды.

Құрамындағы диаллилдисульфид, ауруға жол ашатын және бактеряның жойылуын қиындататын әртүрлі биопленкаларды жояды.

«Antimicrobial Chemotherapy» журналында жарияланған мақалада бұл элементтің тамақтан уланудың емделуінде жаңа бір жол ашатыны мәлімденді.

Washington State университетінің докторы Майкл Конкел былай деді: «Бұл өте қобалжытатын нәтиже.

Өйткені айналамыздағы бактериялардың және азықтардың жол ашатын уланудың алдын алатын басымдылықтарды көрсетеді».

Campylobacter – АҚШ-та және дүниеде ең көп кездесетін тамақтан улануға себеп болатын бактерия. Оның белгілері әдетте құсу, түйілу, іш ауруы және дене қызуы болады.

Антибиотиктің орнына сарымсақ суы

Америкалық мамандар сарымсақ суының антибиотикке қарсы төзімділік қалыптастырған микроптарды өлтіретіндігін анықтады.

Сарымсақтың жүрек және тамыр жолдарының қорғаушысы, қан қысымын түсіруші әсерімен қоса, бауырдың аз холестерин және май өндіруін қамтамасыз ететіндігі, қан айналымын жақсартып тамыр қатаюының алдын алатыны бұрыннан белгілі еді.

Мамандар сарымсақтың бұл қасиетін «Антибиотиктің жасай алмағанын сарымсақ жасады» деп атауымен, АҚШ-та құрамында сарымсағы бар дәрі-дәрмектердің сатылымы көтерілгені байқалды.

Сондай-ақ дәрілерден гөрі сарымсақтың өзін тікелей тұтыну пайдалырақ екендігі де мәлімденді.

Басқа материалдар:

Годжи жидегі туралы білесіз бе?

Сымбат Айдархан

-

25.05.2021

0

Ол бізге — таңсық тағам, қытайлықтарға — шипалы дәрілік өсімдік.

Годжи жидегі Шығыс елдерінде (Қытайда, Үндістанда және Тибетте) медицина мен кулинарияда алты жүз жылдан астам уақыттан бері пайдаланылып келеді.

Бұл жидек көз жанарын жақсартып, имммунитетті нығайтады, азая бастаған ер қайратын қайтарып, ұзақ жасауға септігін тигізеді деп есептеледі және басқа да толып жатқан пайдалы қасиеттері бар.

Бұған еш таңданбаймыз да, өйткені бұл жидектің құрамындв 18 аминоқышқыл (олардың 8-і адам организмінде өндірілмейді), 21 түрлі минерал (темір, калий, магний, мыс тағы басқалары), Е, С, В1, В2, В6 дәрумендері болады.

Сонымен қатар, годжи жидегінде ішектің сапрофит микрофлорасына қажет тағам — полисахаридтер бар.

Бұл экзотикалық жидек ел ішінде «қасқыр жидек» деп аталып кеткен. Ол кәдуілгі бозқараған деп аталып жүрген бұталы өсімдіктің жемісі.

Ел аузындағы аңызға қарағанда шөппен емдейтін қытайлық Ли Цинъюнь годжи жидегі бар диета ұстап 197 (аңыздың басқа нұсқасында — 256) жыл өмір сүріпті.

Алайда көп жасаушы ғұмырының ұзақтығы да, оның ұзақ жасауына жидектің бір септігі болғаны да дәлелденген жоқ.

Басқа материалдар:

Айтуға болмайтын 7 құпия

Сымбат Айдархан

-

24.05.2021

0

customer-giving-quality-feedback_74855-5482 — Иллюстрация: Freepik.com

Шығыс мəдениетін зерттеуші Вячеслав Рузов үнді данышпандарының айтып кеткеніне тоқталыпты. Тізімге көз жүгірткен адам біразымен еріксіз келісері сөзсіз.

Айтылмауға тиісті бірінші құпия – келешекке құрған жоспар. Жоспар толыққанды орындалмайынша ол туралы тіс жармау керек. Адамның кез-келген ойы бастапқыда əлжуаз болып тұрады. Өне бойы шұрық-тесік келеді. Кез-келген жерінен кілтипан тауып, ізгі ойды ойсыратып алуға болады.

Екінші құпия – қайырымды істер туралы ешкімге айтпау. Қайырымды іс – жер бетінде сирек кездесетін құбылыс, сондықтан оны көздің қарашығындай сақтау керек. Өзіңізді жақсылық жасағаныңыз үшін асыра мақтамаңыз. Мақтау адамды тəкəппарлыққа тез ұрындырады.

Үшінші құпия – тақуалығыңыз туралы көпшілікте айтпау. Тамақ, ұйқы, күлкігн қатысты шектеулеріңізді ешкімнің білмегені жөн. Тəннің шектеуі көңілдің тақуалығымен үйлессе ғана пайдалы.

Төртінші құпия – жасаған ерлік, батырлық туралы үндемеу. Əр адам күнделікті сан-алуан оқиғаларды бастан кешіреді. Біреу білектің күшімен жеңіп жатса, біреудің ақылы асады. Күшпен жеңген адамның ерлігі тез бағаланады. Ішкі арпалысты ешкім байқай бермейді. Сондықтан ол үшін ешкім марапат бермейді.

Бесінші құпия – рухани жетілу туралы айтпау. Рухани байлық тек сіздікі. Оны ешкімге айтып абырой жинай алмайсыз. Айналаңыздағы адамдардың шын мұқтаждығын көрсеңіз ғана шет жағасын айтыңыз.

Алтыншы құпия – үйдегі ұрыс-керіс пен отбасылық өмір туралы үндемеу. Есіңізде болсын: отбасыңыздағы ұрыс туралы неғұрлым аз айтсаңыз, оның ынтымағы берік бола түседі. Ұрыс – араласу барысында жиналып қалған зиянды қуат. Түйткілді көп талқылаған сайын оған өзіңіз көбірек сене бастайсыз.

Жетінші құпия – баяғыда естіген жаман сөздер туралы айта бермеңіз. Көшеде жүріп аяқкиімді былғап алуға болады. Ал, кейде сананы да былғап алатындар болады. Жолда келе жатып естіген бар қаңсық сөзді үйге келіп айтқан адамның табалдырықтан аттап, былғаныш аяқ киіммен төрге озған адамнан айырмасы жоқ.

Басқа материалдар:

Сәбіз шырынының 10 пайдасы

Сымбат Айдархан

-

24.05.2021

0

Денемізге көп жағынан пайдалы болған сәбіздің және сәбіз шырынының ең маңызды 10 пайдасы:

1) Бауыр функцияларының қорғанысы және ас қорыту жүйесінде өте әсерлі.

2) Құрамындағы Е дәруменімен қатерлі ісік ауруының алдын алады.

3) Қартаюмен байланысты шығатын ауру, сыздаулар сәбіз шырынын ішу арқылы азайтылуы мүмкін.

4) Табиғи А дәруменінің қайнар көзі болғандықтан көз саулығын, көру қуатын арттырады. Сүйекке және остеопорозға жақсы әсер етеді.

5) Құрамындағы калиймен холестеринге және гипертонияға қарсы күреседі.

6) Өт және бауыр ферментерінің жақсаруына әсер етеді. Май жиналуын азайтады.

7) Теріні жандандырады, әдемілейді.

8) Сәбіз шырыны күшті антиоксидант бета-каротеннен бай болғандықтан жасуша дегенерациясының алдын алады.

9) Біраз лимон және зәйтүн майы қосылып дайындалған сәбіз салаты немесе сәбіз шырыны зейінді ашады, ойлау қабілетін дамытып, үйренуді жылдамдатады.

10) Сәбіздің және сәбіз шырынының калориясы аз болса да қарынды тойдырады. Арықтауда және салмақты сақтауда жақсы әсер етеді. Күніне 1, 2 дана кішкене сәбіздің желінуі немесе шырынының ішілуі қарынды тоқ ұстайды.

Басқа материалдар:

Ұялы телефон туралы қызықты 7 дерек

Сымбат Айдархан

-

24.05.2021

0

Ұялы телефонның пайда болуы адамзаттың соңғы жарты ғасырда жеткен керемет жетістіктерінің бірі.

Басқа ешбір өнертабыс біздің тұрмысымызға дәл бұлай қатты әсер ете алмайды және бұдан жылдам тарамайды. Бүгін біз сіздерге инженерлердің жасап берген осы бір ғажайып өнертабысына байланысты қызықты деректерді әңгімелейміз.

1. «Смартфон» термині тұңғыш рет Ericsson компаниясының 2000 жылы Ericsson R380s жаңа телефонын жарнамалау кезінде шыққан. Құрылғы Symbian OS v5.1 басқаруында жұмыс істеді және ашып-жабылатын қақпағы бар монохром сенсор экраны болған.

2. Қазіргі заманның қайсыбір смартфонның, оның ішінде сіздің смартфоныңыздың мүмкіндігі NASA-ның «Аполлон» бағдарламасының аясында адамды Ай бетіне қондыруға қатысты есептеулері мен басқаруына қажетті мүмкіндігі бар барлық компьютердің қуатынан асып түседі.

3. Жапонияда телефондардың 90 пайызы су өтпейтін корпусымен шығады, себебі жапон жастары жуыну бөлмесіне кірерде де ұялы телефонын тастамайды.

4. Ұялы телефонды жоғалтып аламын деп немесе байланыстан үзілемін деп қорқу номофобия деп аталады. Бұл термин 2010 жылы қолданушылардың ұялы байланысқа деген әдеттеріне арналған зерттеуде пайда болды.

5. Әлемде ең табысты телефон Nokia 1101. 2003 жылы шыққан сәттен бастап 250 миллион құрылғы сатылды, бұл ұялы телефондар ішінде ғана емес, жалпы электронды гаджеттер арасында да рекорд саналады. Қазіргі таңда бұл модель өндірілмейді.

6. 2013 жылы БҰҰ-ның жарияланған баяндамасына сәйкес, ұялы телефонды қолданушылардың саны дәретханасы бар адамдарға қарағанда көбірек екен. Жеті миллиард адамның алты миллиарды ұялы телефон ұстайды, тек 4,5 миллиард адам ғана санитарлық-гигиеналық жағдайда өмір сүреді.

7. Ұялы телефонды лақтыру — Финляндия, Бельгия және тағы кейбір елдерде кең таралған спорт түрі саналады. 2014 жылы өткізілген кезекті әлем чемпионатында осы спорт түрінен әлем рекорды жаңартылды — 110,42 метр.

Басқа материалдар:

Стив Джобстың әдісі: қатал сынға қарсы әрекет

Сымбат Айдархан

-

24.05.2021

0

сабақ оқу, үй жұмысы — Иллюстрация: Freepik.com

Кейбір адамдармен ақылға қонымды диалог құру мүмкін емес. Соларлың деңгейге түсіп, айтысқа кірісіп кетпес үшін, мына кеңестерді пайдаланып көріңіз.

1. Сынды алдын ала болжауға тырысыңыз.

Егер сіз презентация көрсетіп немесе сөз сөйлейтін болсаңыз, онда қай тармақтар тыңдаушылардың сынына ұшырауы мүмкін екендігін ойлап көріңіз. Сізге бұрын да ұқсас ескертпелер жасалған болуы мүмкін. Не айтатыныңызды алдын ала жоспарлаңыз. Жауабын дайындап алған соң, сізге жағымсыз сөздерге жауап беру оңайрақ болады.

2. Дереу жауап қайтармаңыз

Ашуланбаңыз және асығыс жауап бермеңіз. Стаканға су құйып, ойыңызды жинақтап, айту керек сөздерді іріктеп алыңыз.

3. Достық лебізді жалпыға ортақ сөздермен бастаңыз.

Джобс сынға жауап беру үшін, көпшіліктің алдына шыққан бір көрсетілімінде, мынандай сөздермен бастады: «Бірдеңені өзгертуге тырысқан кезде, ең қиын кедергілердің бірі — осындай сұрақттарды қоятын адамдардың айтқаны бір жағынан дұрыс болуында». Ол өзінің жауабын жұмсартып, бір қарағанда оппонентпен келісіп тұрғандай көрінеді, алайда келесі сөздерінен олай емес екендігін түсінесің. 4. Естігіңіз келген сұраққа жауап қайтарыңыз

Джобсқа бағдарламалау тілдерінен және жеке өміріне қатысты нақты сұрақтар қойылғанымен, ол оған пікір білдермей, жалпыға ортақ сұрақтарға жауап берді.

Бұл саясаткерлердің әрдайым жасап жүрген классикалық тәсілі.

5. Соңында өзіңіздің қателіктеріңізді мойындаңыз, бірақ командаңызды да қолдаңыз

Сіз өзіңіздің ең басты жанкүйері болуыңыз керек. Әсіресе бастапқы, тек өзіңіз бен командаңызға ғана арқа сүйей алар кезде. Жіберілген қателіктеріңізді мойындаңыз, қандай сабақ алғаныңызды айтыңыз, одан кейін міндетті түрде сіз және командаңыздың көп жұмыс істейтінін айтып кетіңіз, және не үшін қолдауға лайық екендігін атап өтіңіз.

Мысалы, (көрсетілімінде) Джобс былай аяқтады: Біз қателіктерді тауып, оны түзетеміз. Бірақ қазір, маңызды кезеңді өткеріп және тынбай еңбек етіп жатқан команданы қолдау керек.

Басқа материалдар:

Мидың жақсы жұмыс істеуіне қажет азық-түлік

Сымбат Айдархан

-

24.05.2021

0

Асқабақ дәндері

Асқабақ дәндерінің құрамында мырыш бар, белсенді ақыл-ой қызметін жылдамдатуға және есте сақтау қабілетін жақсартуға көмектеседі.

Грек жаңғақтары

Басқа жаңғақтармен салыстырғанда, грек жаңғақтарының құрамында өте көп мөлшерде Е дәрумені болады. Е дәрумені миды, қартаюмен бірге келетін бүлдіргіш процесстер мен аурулардан сақтайды.

Қызанақтар

Қызанақ жеу арқылы Альцгеймер ауруына шалдығу қаупін төмендетуге болады. Қызанақтар ликопинге – актиоксидантқа бай, ол ағзаға бос радикалдармен күресуге көмектеседі.

Какао

Қара шоколад тек тәтті ғана емес. Какао адамның когнитивті мүмкіндіктерін арттырады және жүректің жұмысына жақсы әсерін береді. Жүрек-қан тамырлар жүйесі қаншалықты жақсы жұмыс істесе, ми қан айналымы арқылы соншалықты пайдалы заттар ала отырып, қанығады.

Майлы балық

Қызыл балық, скумбрия, тунец, макрель, сардиндер – осы балықтарды сирек болса да, жеп тұру керек. Омега-3 қаныққан май осы балықтарда өте көп мөлшерде бар, оның миға қаншалықты пайдалы екенін бұрыннан білеміз.

Бүтін дәндерден жасалған өнімдер

Бүтін дәнді азықтар сізге қандағы қант теңгерімін бір деңгейде ұстауға көмектеседі. Бұл сіздің миыңызды құнарлы заттардың жетіспеушілігі қатерінен сақтайды – бүтін дәндерден жасалған өнімдер әсері ұзаққа созылатын қуатты энергетикалық ресурс болып табылады.

Брокколи

К дәрумені – бұл қырыққабатта кездесетін дәрумен. Ол адамға белсенді ақыл-ой процесстері үшін қажет.

Көк шәй

Катехин мен тианин – көк шәй құрамына кіретін антиоксиданттар. Бұл заттар ми қызметін ынталандырады, ой шоғырландыруды жақсартады, адамның сергек болуына мүмкіндік береді.

Қара қарақат

Қара қарақаттың құрамында С дәрумені бар. Бұл дәрумен бүкіл ағзаны әлдендіреді және мида жаңа нейрондық байланыстардың түзілуіне көмектеседі. Егер сіз шылым шегетін болсаңыз, міндетті түрде өзіңіздің ас мәзіріңізге С дәруменінің қосымша көздерін қосыңыз, өйткені шылым шеккен кезіңізде ол аяусыз бүлінеді.

Баялды (баклажан)

Кімнің ойына келер дейсің, алайда баялды да бұл тізімде бар! Бұл баялдыда өте көп болатын антоцианиндердің – антиоксиданттардың арқасында. Олар сізді склероздың мезгілсіз өріс алуынан сақтайды.

Басқа материалдар: